Երևանում 2024 թվականին կկազմակերպվեն մարզական մի շարք միջոցառումներ

Երևանում 2024 թվականին կկազմակերպվեն մարզական մի շարք միջոցառումներ. նախատեսվող 15 միջազգային մրցաշարերից 5-ն առաջին անգամ կանցկացվի «Երևանի քաղաքապետի գավաթ» խորագրով մրցաշարի ներքո՝ վոլեյբոլ, սեղանի թենիս, բադմինտոն և հանդբոլ սպորտաձևերում: Անցկացվող մյուս մրցաշարերն են բռնցքամարտը, հունահռոմեական և ազատ ոճի ըմբշամարտը, ձյուդոն, մարմնամարզությունը, շախմատը և մարաթոնյան վազքը:

Այս մասին Երևանի քաղաքապետարանի գործակարգավարական նիստի ընթացքում ասաց քաղաքապետարանի սպորտի և երիտասարդության հարցերի վարչության պետ Արսեն Մաքվեցյանը:

Նա ընդգծեց, որ 2024 թ. ընթացքում Երևանի քաղաքապետարանի նախաձեռնությամբ զանգվածային միջազգային քաղաքային և երիտասարդական միջոցառումներ տեղի կունենան:

«Նախատեսվում է անցկացնել Երևան քաղաքի առաջնություններ 13 մարզաձևերից: Այս տարի առաջին անգամ կանցկացվի Ռաֆայել Վահանյանին նվիրված շախմատի մրցաշար, «Երևան» մարաթոն-մրցաշարը, որի համար ակնկալվում է 1000 և ավելի վազորդների մասնակցությունը: Հունիսին Երևանում կանցկացվեն բռնցքամարտի և ըմբշամարտի մրցաշարեր, որոնք մեր ազգային հավաքականների համար կլինեն վերջին ստուգատեսը Փարիզի ամառային 33-րդ օլիմպիական խաղերին մասնակցությունից առաջ: Նշված օլիմպիական խաղերին իրենց մասնակցությունը կբերեն նաև Երևանի մարզիկները, որ նվաճել են օլիմպիական խաղերի ուղեգիր»,-ասաց վարչության պետը:

Նա նշեց, որ քաղաքապետարանը կարևորել է նաև սահմանափակ կարողություններ ունեցող անձանց ներգրավումը համայնքի մարզական կյանքին, որից ելնելով նախատեսվում է կազմակերպել և անցկացնել հաշմանդամություն ունեցող անձանց սպարտակիադա վեց մարզաձևերից: Ըստ նրա՝ ուշադրության կենտրոնում են գտնվում նաև տարեցները, որոնց համար այս տարի ևս Տարեցների միջազգային օրվա կապակցությամբ կանցկացվեն մրցումներ հինգ մարզաձևերից: Երեխաների պաշտպանության միջազգային օրվան էլ ընդառաջ կանցկացվեն խոշոր մարզամշակութային միջոցառումներ:

Այս թեմայով Ավտովթար՝ Երևանում. բախվել են «Toyota Camry»-ն և «Jeep Grand Cherokee»-ն Այսօր Երևանում սպասվում է մինչև 32 աստիճան տաքություն. Գագիկ Սուրենյան Երևանում շարունակվում են անհնազանդության ակցիաները, փակ է Շիրակի փողոցը 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է ՀԻՄԱ․ անհնազանդության ակցիաներ Երևանում ու մարզերում «Կանգնի՛ր կամ հանձնի՛ր»․ Երևանի մի շարք փողոցներ պարալիզացված են․ ակցիաները շարունակվում են Երևանում և Նոյեմբերյանում բողոքի ակցիայի 29 մասնակից է բերման ենթարկվել Երևանից ենք, ոգևորություն տեսնում եմ և Տավուշում, և Երևանում, պայքարով հաջողություն կունենանք (տեսանյութ) 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Այս օրակարգով 4 գյուղերի հարցը փակված է, խնդիրը Երևանում է, այստեղից է պետք սկսել. Էդմոն Մարուքյան