Հետախուզվողը ներկայացավ՝ բերելով հանցագործության գործիք ինքնաձիգը

Հունվարի 16-ին, ժամը 22.45-ին, ոստիկանության օպերատիվ կառավարման կենտրոն զանգած քաղաքացին հայտնել էր, որ Բագրատունյաց փողոցի մի բակում լսվել են կրակոցների ձայն, հնարավոր է մեքենայից գազի արտահոսք լինի:

Հաղորդումը փոխանցվեց ոստիկանության Շենգավիթի բաժին, որտեղից օպերատիվ խումբ մեկնեց նշված վայր: Շուտով տեղ հասան նաև ոստիկանության Երևան քաղաքի վարչության ղեկավարներ, քննիչ ու փորձագետ:
Գազի արտահոսք չկար, սակայն պարզվեց, որ անհայտ անձը կրակոցներ էր արձակել բակում կայանված «Լեքսուս» մակնիշի մեքենայի ուղղությամբ, որի մեջ այդ պահին մեքենայատերն էր:

Դեպքի վայրի զննությամբ հայտնաբերվեցին 4 պարկուճ և գնդակի միջուկի զանգվածի նմանվող 2 առարկա:
Սպանության փորձի և ապօրինի զենք կրելու հատկանիշներով նախաձեռնվեց քրեական վարույթ: Երևան քաղաքի վարչության և Շենգավիթի բաժնի քրեական հետախույզների ձեռնարկած օպերատիվ-հետախուզական միջոցառումների և քննչական գործողությունների շնորհիվ պարզվեց, որ մեքենայատիրոջ ուղղությամբ իր մոտ պահվող հրազենից կրակել էր մայրաքաղաքի Բաբաջանյան փողոցի 38-ամյա բնակիչը:

Նրան հայտնաբերելու միջոցառումները, սակայն, մի քանի օր արդյունք չտվեցին, և 38-ամյա տղամարդու նկատմամբ հայտարարվեց հետախուզում, խափանման միջոց ընտրվեց կալանքը: Հունվարի 22-ին, ժամը 15-ի սահմաններում, ոստիկանների բացատրական աշխատանքից հետո հետախուզվողն ինքնակամ ներկայացավ Շենգավիթի բաժին` բերելով նաև հանցագործության գործիք «ԱԿ-74» տիպի առանց գործարանային համարի ինքնաձիգը, մեկ փամփշտակալ և փամփուշտներ:

Ինքնաձիգը ներկայացվել է քննչական բաժին:
Նշանակվել է փորձաքննություն: Արարքի դրդապատճառն ու դեպքի այլ հանգամանքներ նախաքննությամբ պարզվում են:

Այս թեմայով Տո լա՜վ է, որ գործիք չե՞ք, բա ինչու՞ Արցախը ճանաչեցիք Ադրբեջանի կազմում, վաղուց թուրքական գործիք եք Սպանության փորձի մեղադրանքով հետախուզվողը հայտնաբերվեց Ռանչպար գյուղի դաշտերում ՌԴ իրավապահների կողմից հետախուզվողը հայտնաբերվեց Մարտունիում Ապրիլի 1-2-ը ոստիկանները բացահայտել են հանցագործության 77 դեպք Խուլիգանության մեղադրանքով հետախուզվողը ներկայացավ Դիլիջանի բաժին «Հայաստանն Արևմուտքի կողմից օգտագործվում է որպես գործիք՝ ընդդեմ Ռուսաստանի». «Փաստ» Պատժի կրումից խուսափելու համար հետախուզվողը տեղափոխվեց քրեակատարողական հիմնարկ Telegram-ը գործիք է դառնում ահաբեկիչների ձեռքում. Պեսկով Պատժի կրումից խուսափելու համար հետախուզվողը տեղափոխվեց քրեակատարողական հիմնարկ Մեկ օրում բացահայտվել է հանցագործության 88 դեպք. գրանցվել է 4 ավտովթար. զոհվել է 1, վիրավորվել՝ 7 մարդ