Փաշինյանի թիմակիցների մանիպուլյացիաները. Գարեգին Բաղրամյան

Շարունակելով ընթերցողի ուշադրությանը ներկայացնել այն պաշտոնյաներին, ովքեր, մեղմ ասած, անկեղծ չեն գտնվել հանրության հետ, փորձել են դիմել մանիպուլյատիվ հնարքների, խմբագրել սեփական հայտարարություններն ու քայլերը՝ այսօր կանդրադառնանք ՀԾԿՀ նախագահ Գարեգին Բաղրամյանին:

Բաղրամյանը այն պաշտոնյան է, ով, տարիների աշխատանքը հաշվի առնելով, քաջատեղյակ է էներգետիկ ոլորտի ռիսկերից, արդյո՞ք նա այսօր չունի որևէ ասելիք, երբ այն թիմը, որի հետ աշխատում է և որի մի մասնիկն է այսօր, բացահայտ ռիսկերի առջև է կանգնեցրել երկրի էներգետիկ անվտանգությունը: Երբ ունենք մի իրավիճակ, երբ Հայաստան մուտք գործող կարևորագույն բնական ռեսուրսները՝ գազը և էլեկտրաէներգիան կարող են կտրուկ թանկանալ, կրկին՝ օրվա իշխանությունների վարած ապաշնորհ քաղաքականության արդյունքում: Թերևս Գարեգին Բաղրամյանն էլ պատկանում է այն պաշտոնյաների թվին, որոնք առաջնորդվում են՝ «որտեղ տաք՝ էնտեղ կաց» սկզբունքով և երկրի բարձրագույն ղեկավարության կողմից ստացված հուշամեդալներն այդ պաշտոնյաներին որևէ բան չեն պարտավորեցնում, անգամ՝ քաղաքացիական դիրքորոշում հայտնել: 

Հայաստանի հպարտ քաղաքացիներին համոզում էին, որ հաջորդ 10 տարիների ընթացքում ունենալու ենք կայուն գնային քաղաքականություն, ասել է թե՝ ջրի սակագինն այլևս չի բարձրացվի: Բայց, արի ու տես, որ Վեոլիան կրկին սակագինը բարձրացնելու հայտ է ներկայացնում, իսկ ՀԾԿՀ նախագահ Բաղրամյանն իր հրապարակային հայտարարություններում սկզբում չէր էլ հերքում, որ հայտը կարող է բավարարվել․ նա միայն հանգստացնում էր քաղաքացիներին, որ այդ տարբերությունը կարող է սուբսիդավորել պետությունը: Սակայն, ինչ տարբերություն, չէ՞ որ դա էլ արվելու է բյուջեի հաշվին, ասել է թե՝ քաղաքացիների գրպանից: Ի վերջո, Բաղրամյանը բավարարեց «Վեոլիա Ջրի» հայտը:

ՀԾԿՀ-ն զերծ մնաց ռեֆորմացվելուց, չնայած ակնհայտ է, որ դրա կարիքը կառույցը ուներ։ Փոխարենը` Բաղրամյանն սկսեց հանրության գլխի տակ փափուկ բարձ դնելու քաղաքականություն վարել:  ՀԾԿՀ ներկայիս նախագահ Գարեգին Բաղրամյանը թե՛ էներգետիկայի նախարարի պաշտոնը զբաղեցնելիս, թե՛ ներկայիս պաշտոնում հայտարարում և խոստանում էր, որ կատարված լուրջ աշխատանքի արդյունքում էլեկտրաէներգիան ոչ միայն չի թանկանա, այլ մի բան էլ կէժանանա: 2019 թվականին  նա  լրագրողների հետ զրույցում հայտարարել էր, որ իտալական «Ռենկո» ընկերության 250 մեգավատտ հզորությամբ էլեկտրակայանի աշխատանքի շնորհիվ էլեկտրական էներգիայի սակագինը կիջնի շուրջ 4 դրամով, սպառողների համար, սակայն, սակագինը կնվազի մոտ 1-1.5 դրամով: Էլեկտրակայանի կառուցումից հետո հոսանքի գինը կլինի 27.4 դրամ մեկ կվտ ժամի համար: «Հրազդանի ՋԷԿ-ն արդեն հին կայան է, ունի ցածր ՕԳԳ և իր ռեսուրսն արդեն սպառում է այս տարի, ուստի նոր էլեկտրակայանը գալիս է իրեն փոխարինելու: Հրազդանի ՋԷԿ-ը հոսանքն արտադրում է բավականին թանկ սակագնով. միայն վառելիքային բաղադրիչը 31.5 դրամ է, բացի վառելիքային բաղադրիչը 10 դրամ էլ ունի իր ծախսերի ապահովման համար՝ կախված կիլովատ ժամից»,- ասել էր նա: Էլեկտրակայանը բացվեց ամիսներ առաջ, ներկա էր նաև վարչապետ Փաշինյանը, իսկ արդեն դեկտեմբերին Գարեգին Բաղրամյանը հանրությանը ավետում և փաստի առջև է կանգնեցնում` հայտարարելով, որ էլեկտրաէներգիայի սակագնի փոփոխությունը անխուսափելի է:

Շարունակելի...

Այս թեմայով Բերման են ենթարկվել Գարեգին Չուգասզյանը, Վոլոդյա Ավետիսյանը. ընդհանուր՝ բողոքի ակցիայի 96 մասնակից Պաշտոնյաների ծախսերը` պետության հաշվին. Գարեգին Բաղրամյան Փորձությունով լցված այս օրերին, Սուրբ Կույսին ուղղված հրեշտակի ավետիսը ձեզ համար է՝ Աստված ձեզ հետ է. Գարեգին Բ Մեր ժողովրդի սեպուհ պարտքն է հաղթահարել ներազգային տարաձայնություններն ու անմիաբանությունը. Գարեգին Բ ՈՒՂԻՂ․ ՀԾԿՀ նիստը «Հայաստանի էլեկտրական ցանցեր» ՓԲԸ-ին տուգանելու հարցով Գարեգին Նժդեհի փողոցում այրվել է ավտոմեքենա Գարեգին Խումարյանը կմասնակցի Հանրային ռադիոընկերության գործադիր տնօրենի մրցույթին ՃՏՊ Գարեգին Նժդեհի փողոցում․ կա տուժած ԱԺ-ն Գարեգին Բաղրամյանին ընտրեց ՀԾԿՀ նախագահ, իսկ Գեղամ Գևորգյանին՝ ՄԾՀ նախագահ Այո, հանրային ճնշումը ՀԾԿՀ-ի միջոցով պետք է ուժեղացնենք այն ոլորտներում, որտեղ խնդրներ կան. Թունյան