Սքրինինգային ծրագրերը կնպաստեն կյանքի որակի բարելավմանը. Ավանեսյան

Ուռուցքաբանության զարգացումը թույլ է տալիս հասկանալ, որ առաջին, երկրորդ շրջանում հայտնաբերված քաղցկեղը բուժելի է, այն չի ազդում կյանքի որակի վրա և ժամանակին ու ճիշտ բուժում իրականացնելու դեպքում դրական արդյունքն ակնհայտ է։ Սքրինինգային ծրագրերը թույլ են տալիս քաղցկեղի վաղ հայտնաբերում։ «Վերջին տարիներին Հայաստանում ներդրվել է կրծքագեղձի մամոգրաֆիայի սքրինինգային ծրագիրը, որն առաջինն իրականացվել է Տավուշի, Սյունիքի և Լոռու մարզերում։ Ներկայում այդ ծառայությունն իրականացվում է Շիրակի մարզում։ Այս ծրագիրը շարունակական է լինելու»,- ներկայացրեց Առողջապահության նախարար Անահիտ Ավանեսյանը։ 

Սքրինինգային ծրագրերի պատշաճ իրականացման համար առողջապահության պատասխանատուները նպատակադրվել են մարզերում կառուցել ստացիոնար կենտրոններ։

Առողջապահության գլխավոր բարեփոխումը՝ ապահովագրական համակարգը, միտված է լինելու կանխարգելիչ բժշկության խրախուսմանը։ Անձիք, որոնք չեն անցնի կանխարգելիչ հետազոտությունները, սքրինինգները, նրանց առողջապահական փաթեթը սառեցվելու է, չի ակտիվանալու, մինչև որ չանցնեն իրենց տարիքին համապատասխան բոլոր հետազոտությունները։ «Այս բարեփոխումը նպաստելու է Հայաստանում կյանքի տևողության և որակի բարելավմանը»,-վստահեցնում է նախարար Ավանեսյանը։ Համընդհանուր առողջապահության համակարգում, որը փուլ առ փուլ ներդրվում է Հայաստանում, շեշտը դրվում է կանխարգելիչ բժշկության վրա, որտեղ հիվանդությունները փորձում են նախապես բացահայտել՝ չսպասելով, որ դրանք հայտնվեն ծանր վիճակում:

Ներկայում քննարկման փուլում է թոքի քաղցկեղի սքրինինգային ծրագրի ներդրումը, քանի որ մահացության ցուցանիշով քաղցկեղի այդ տեսակը հատկապես տղամարդկանց մոտ առաջին տեղում է։ Վերջին տարիներին ծխախոտի օգտագործման դեմ բավականին ակտիվ պայքար է գնում և միայն բուժական մեթոդներով հնարավոր չէ պայքարել հիվանդության դեմ։ «Չնայած ծխախոտի օգտագործման դեմ տարվող ակտիվ պայքարին, դեռևս ցուցանիշները հուսադրող չեն: Տղամարդկանց շրջանում ծխելու ցուցանիշը դեռևս շատ բարձր է: Հուսով ենք, որ թոքի քաղցկեղի սքրինինգային ծրագիրը կտա ցանկալի արդյունք»,-նշեց նախարարը։

ԱՀԿ տվյալներով` աշխարհում տարեկան արձանագրվում է քաղցկեղի շուրջ 19,3 մլն նոր դեպք և շուրջ 10 մլն մահացության դեպք:

Հայաստանում տարեկան նոր դեպքերը միջինում կազմում են 8143: Վիճակագրական տվյալներով` տղամարդկանց շրջանում առավել տարածված են շնչափողի, բրոնխների, թոքի, լյարդի, միզապարկի և շագանակագեղձի, իսկ կանանց շրջանում` կրծքագեղձի, արգանդի մարմնի և պարանոցի, իսկ վերջին տարիներին թե՛ տղամարդկանց, թե՛ կանանց շրջանում ստամոքսի և կոլոռեկտալ քաղցկեղների դեպքերի աճի միտում է գրանցվել:

Այս թեմայով Պանթուրիքիստական ծրագրերը շարունակվում են. ՀՀ-ում Սիրիայի դեսպան «Ռոբիս ապրեցնելը դարձավ իմ կյանքի շարժիչ ուժը». Ռոբերտ Հայրապետյանն անմահացել է 2022 թ. սեպտեմբերի 13-ին Իշխանասարում. «Փաստ» ԱԶԲ ներկայացուցիչների հետ քննարկվել են Հյուսիս-հարավի՝ հարավային հատվածում նախատեսվող ծրագրերը Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան Սահմանների հարցը չի կարելի կտրել մարդուց, դա հենց մարդու անվտանգ կյանքի, նրա իրավունքների համար է Անահիտ Ավանեսյանը սաբոտաժի է ենթարկում Փաշինյանի ծրագիրը Ծրագրերը համակարգելիս անզիջում լինել որակից շեղման ցանկացած դրսևորման դեպքում. Վարդանյան ՀՀ-ն առողջապահական ծրագրերը դիտարկում է ոչ թե ծախս, այլ ներդրում ինքնիշխան երկիր կառուցելու մեջ (տեսանյութ) «Զինվորի սնունդը ահավոր որակի է, վատ հոտ է գալիս». Վարդան Ղուկասյանը հրավիրել էր պահածոների դեգուստացիայի (տեսանյութ, լուսանկարներ) ՔՊ-ում «պատերազմ» է. Ավանեսյանը գտել է սեփական կաշին փրկելու ձևը