Ուինսթոն Չերչիլի ատամների պրոթեզի համար աճուրդում աներևակայելի գումար են վճարել

Աճուրդում 18 հազար ֆունտ ստեռլինգով (22,7 հազար դոլար) վաճառվել է պրոթեզը, որը պատկանում էր Մեծ Բրիտանիայի նախկին վարչապետ Ուինսթոն Չերչիլին (1874-1965 թթ.): Այս մասին հայտնում է Sky News-ը։

Խոսքը պրոթեզի մասին է, որը քաղաքական գործիչը, ի թիվս այլ բաների, օգտագործել է 1940 թվականի հունիսի 4-ին՝ «Պայքարելու ենք լողափերում» հայտնի ելույթը հնչեցնելիս։ Դա Չերչիլի երկրորդ ելույթն էր բրիտանական խորհրդարանի Համայնքների պալատում Բրիտանիայի՝ Երկրորդ համաշխարհային պատերազմի մեջ մտնելուց հետո։ Լոտի համար վճարված վերջնական գումարը ավելի քան երկու անգամ գերազանցել է նախնականը (5 հազարից մինչև 8 հազար ֆունտ):

Պահպանողական կուսակցության նախկին առաջնորդն ամբողջ կյանքում լուրջ խնդիրներ է ունեցել ատամների հետ, որոնցից մի քանիսը կորցրել է 20-30 տարեկանում։ The Guardian թերթը հավելում է, որ Չերչիլն, ընդհանուր առմամբ, չորս պրոթեզ է ունեցել։ Նա այնքան է կարևորել այդ աքսեսուարը, որ միշտ իր հետ կրել է ատամնաբույժ Վիլֆրեդ Ֆիշի կողմից ստեղծված պահեստային շարժական պրոթեզը։

Ինչպես նշված է լոտի նկարագրության մեջ, «ատամնաշարը ծառայել է՝ որպես ամենակարևոր ֆիզիոլոգիական և հոգեբանական աջակցություն» նախկին վարչապետին։ «Դա թույլ է տվել նրան արդյունավետ խոսել, ինչը կենսական հատկանիշ է ցանկացած քաղաքական գործչի համար՝ հատկապես նրա, ում հռետորական հմտությունները վճռորոշ էին իր հաջողության համար», - ասվում է տեքստում:

Այս թեմայով Եվրամիության հետ Հայաստանի ավելի սերտ հարաբերությունների հաստատումը սպառնալիք չէ Մոսկվայի համար. Տիգրան Բալայան «Դուք Ղեւոնդ Երիցեան ոգով նոր Աւարայր էք մղում հայրենիքի համար»․ Սեպուհ Սրբազանը՝ Բագրատ Սրբազանին Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Հիմա ավելի մոտիվացված եմ Օլիմպիական խաղերի համար. Արթուր Դավթյան Աստղագուշակ ապրիլի 28-ի համար Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) Ոնց որ գնաս բժշկի, քեզ ասի՝ գույքահարկդ չես վճարել, չեմ բուժելու. ՔՊ-պատգամավորրը՝ գույքահարկի մասին Մարդը տանում է մեքենան տեխզննման, ստիպում են ընթացիկ տարվա գույքահարկ վճարել. Թունյան (տեսանյութ) Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև