Արևմուտքը մեղադրում է Նիկոլ Փաշինյանին ժողովրդավարական ռեֆորմները ձախողելու մեջ

Պետական հաշվետվողականության, անկախ լրատվամիջոցների, խոսքի և արտահայտվելու ազատության, հավաքների ազատության և կոռուպցիայի դեմ պայքարում հետընթաց կա. սրանք այն պատճառներն են, ինչի հետևանքով այս տարի Հայաստանը Եվրամիության Արևելյան գործընկերության ինդեքսում հետընթաց է գրանցել։ Թեև ինդեքսում Հայաստանի կատարողականը բավականին բարձր է, սակայն արդյունքները ցույց են տալիս բարեփոխումների հապաղում, օրենքների միջև անհամապատասխանություններ, հետևաբար ԵՄ-ի հետ մերձեցման դանդաղում, նշվում է զեկույցում։ Զեկույցում նաև նշվում է, որ Հայաստանի ցածր միավորը կապված է ժողովրդավարության և լավ կառավարման ոլորտում ձախողման հետ, հատկապես՝ պետական հաշվետվողականության հետ։

Սա վերջին շրջանում Արևմուտքի միակ դեղին քարտը չէ Նիկոլ Փաշինյանին: Այսպես, ընդամենը մեկ շաբաթ առաջ «Թրանսփարենսի Ինթերնեյշնլ» միջազգային հեղինակավոր կազմակերպությունը հրապարակել է կոռուպցիայի ընկալման մասին իր այս տարվա զեկույց-դասակարգումը: Հայաստանն ընդամենը մեկ միավորով է բարելավել  իր դիրքերը։ Ըստ կազմակերպության՝ կոռուպցիայի դեմ պայքարում առաջընթացը կանգ է առել՝ առաջին հերթին նոր միջոցառումների սահմանափակ իրականացման պատճառով: Հայաստանը (ինչպես տարածաշրջանի բազմաթիվ այլ երկրներ) բախվում է անվտանգության լուրջ սպառնալիքների, սակայն ունի ներուժ՝ հաղթահարելու այդ մարտահրավերները և անցնելու կոռուպցիայի արդյունավետ վերահսկմանը»:

Որքան էլ որ Արևմուտքը գեղեցիկ խոստումներով փորձի դեպի իրեն ձգել Հայաստանը, այս ցուցանիշները վկայում են, որ ԵՄ–ի հետ ավելի խորքային համագործակցության, իսկ այնուհետև նաև մաս կազմելու բոլոր ցանկություններն իրականությունից կտրված են: Վերը թվարկած կետերը, որտեղ Արևմուտքը մատնանշել է  Նիկոլ Փաշինյանի և նրա թիմի ձախողումները, անչափ կարևոր են ԵՄ անդամության հայտ ներկայացնելու տեսանկյունից: Եթե երկիրը չի համապատասխանում ԵՄ չափանիշներին, դեռ մի բան էլ տարեցտարի հետընթաց է գրանցում դրանցում, ապա ակնհայտ է, որ ԵՄ-ն դժվար թե շահագրգռված լինի իր կազմ այդպիսի երկիր ընդունելու հարցում: Այլ բան է՝ գեղեցիկ խոստումներ շռայլելն ու ՀՀ հաշվին սեփական աշխարհաքաղաքական օրակարգն առաջ մղելը, իսկ ահա գործնականում Արևմուտքը առիթը բաց չի թողնում ի ցույց դնելու Փաշինյանի և նրա թիմի այն ձախողումները, որոնք փաստացի անհնար են դարձնում ԵՄ ընտանիքի մաս դառնալը...

Այս թեմայով Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու