Թուրքիայի հետ սահմանի Մարգարա անցակետով անցած տարի Հայաստան է մուտք գործել ՀՀ 38, մեկնել՝ 28 քաղաքացի

Հայ-թուրքական սահմանին գտնվող Մարգարայի անցակետով 2023 թվականին Հայաստան է մուտք գործել Հայաստանի 38 քաղաքացի, մեկնել է՝ 28-ը:

Այդ մասին հայտնում է ՀՀ վիճակագրական կոմիտեն:        

Այդ անցակետը ուղիղ 30 տարվա ընդմիջումից հետո գործարկվել էր անցյալ տարվա փետրվարին, երբ Հայաստանը երկու խմբաքանակով մարդասիրական օգնություն էր ուղարկել Թուրքիայի արևելքում տեղի ունեցած աղետալի երկրաշարժից տուժածներին: Հայաստանից հարևան երկիր էին մեկնել նաև փրկարարներ:

1993 թվականին Թուրքիան միակողմանիորեն փակել էր Հայաստանի հետ օդային և ցամաքային սահմանը, և Մարգարայի անցակետը ուղիղ երեք տասնամյակ չէր գործում:

Հայաստանի կառավարությունը Թուրքիայի հետ հարաբերությունների կարգավորման համատեքստում հանդես է գալիս երկու երկրների միջև ցամաքային սահմանի վերաբացման օգտին: Երկու երկրների միջև պայմանավորվածություն էր ձեռք բերվել ցամաքային սահմանը բացել երրորդ երկրների քաղաքացիների և դիվանագիտական անձնագիր ունեցող անձանց համար։ Հայաստանի կառավարությունն արդեն հայտարարել է, որ Մարգարայի անցակետը վերանորոգվել է, և Հայաստանը պատրաստ է ցանկացած պահի կյանքի կոչել պայմանավորվածությունը։ Թուրքական կողմից այս առնչությամբ արձագանք դեռ չկա։

Այս թեմայով Հայաստանում մայիսի 1-ից կգործի փաթեթավորված խմելու ջրի պարտադիր դրոշմավորման պահանջը Երևան-Սևան ավտոմայրուղու վրա պարեկները կանգնեցնում են բոլոր բեռնատար մեքենաներին` արգելելով նրանց մուտք գործել Երևան «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները ՄԻՊ արագ արձագանքման խումբը մեկնել է Նոյեմբերյանում բերման ենթարկված անձանց տեսակցելու Էդ մի փոքր հողը Հայաստանի լինել չլինելու հարցն է. Չարենցի փողոցը փակած քաղաքացի (տեսանյութ) Հայոց ցեղասպանության տարելիցի կապակցությամբ Բևերլի Հիլզում Թուրքիայի հյուպատոսարանի մոտ ցույց է անցկացվել Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները 1.5 մլն զոհերի անուն-ազգանունները ճշտելը նշանակում է տրվել Թուրքիայի օրակարգին. Մարուքյան (տեսանյութ)