Կարևոր է հավաստիացումներ ստանալ Հռոմի ստատուտին միանալուց հետո Պուտինի՝ Հայաստան այցի պայմանների մասին. Կրեմլ

Ռուսաստանը չի կարող անտեսել Հայաստանի միացումը Միջազգային քրեական դատարանի (ՄՔԴ) կանոնադրությանը, ուստի այս հարցի շուրջ երկկողմ բանակցություններն առջևում են։ Այս մասին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով Վլադիմիր Պուտինի՝ Երևան հնարավոր այցի մասին հարցին, գրում է Life.ru-ն։

«Միջազգային այս կանոնադրությանը Հայաստանի միանալու հետ կապված նոր իրողությունը, իհարկե, չի կարող բացասաբար անդրադառնալ մեր երկկողմ հարաբերությունների վրա։ Իհարկե, շատ կարևոր է ստանալ որոշակի հավաստիացումներ մեր հայ գործընկերներից, այս հարցը դեռ պետք է լուծվի։ Երկկողմ երկխոսության շրջանակներում մենք վճռական ենք դա անել»,- պարզաբանել է Կրեմլի ներկայացուցիչը։

Հիշեցնենք, որ Հայաստանը 2024 թվականի փետրվարի 1-ին պաշտոնապես դարձել է Միջազգային քրեական դատարանի (ՄՔԴ) կողմ։ Հռոմի ստատուտի վավերացման փաստաթղթերը Երևանը ներկայացրել է անցյալ տարվա նոյեմբերի 14-ին։ Կրեմլն արդեն հույս է հայտնել, որ Հայաստանի որոշումը չի ազդի երկկողմ հարաբերությունների վրա։ Ի դեպ, 2023 թվականի մարտին ՄՔԴ-ն ՌԴ նախագահ Վլադիմիր Պուտինի նկատմամբ ձերբակալության օրդեր է տվել։ Հայաստանի վարչապետ Նիկոլ Փաշինյանն արդեն վստահեցրել է, որ իր լիազորությունները թույլ չեն տալիս երկրի տարածքում կալանքի որոշում կայացնել։

Այս թեմայով Էլեկտրաէներգիայի շուկայի ազատականացումը նոր ներդրումներ է բերել․ Փաշինյան Վրաստանից ավտոստոպով Հայաստան եկած ու անհետ կորած օտարերկրացի աղջիկը գտնվել է Անմիջապես սկսվել է ուսումնասիրություն․ ՄԻՊ-ը՝ Փոքր Վեդիում մանկապարտեզում տեղի ունեցած դեպքի մասին Ի՞նչ է սպասվում Ռոբերտ Քոչարյանին ՍԴ-ի որոշումից հետո․ փաստաբանը մանրամասնում է Իրանի դեսպանը հերքել է Թեհրանի և Երևանի միջև ռազմական պայմանագրի մասին լուրը Յուրաքանչյուրիդ աղոթքը չափազանց կարևոր է․ Բագրատ Սրբազանը տեսակցել է Հրանտ Թոխատյանին Կարանտին վնասակար օրգանիզմները մարդու կյանքի և առողջության համար վտանգավոր չեն․ ՍԱՏՄ-ը՝ դեպի ՌԴ արտահանման արգելքի մասին Նիկոլ Փաշինյանն Էջմիածնում է․ հայտնի է այցի նպատակը Ջեյմս Բոնդի դերակատար Ջորջ Լազենբին հայտարարել է կարիերան ավարտելու մասին Սերգեյ Փարաջանովի մասին պատմող ֆիլմը կցուցադրվի Վենետիկի կինոփառատոնում