Կոռուպցիոն սկանդա՞լ, թե Փաշինյանի հերթական ժեստն Արևմուտքին

Հայաստանի էկոնոմիկայի նախարար Վահան Քերոբյանը հրաժարական է տվել։ Նա Ֆեյսբուքի իր էջում ներկայացրել է որոշ վիճակագրական տվյալներ իր պաշտոնավարման ժամանակահատվածից՝ առանց նշելու հրաժարականի պատճառը։ Ընդ որում, ուշագրավ է, որ, կարծես թե, հրաժարականից ժամեր առաջ ինքը Քերոբյանն էլ տեղյակ չէր, որ այլևս չի ծառայելու ժողովրդին և էնտուզիազմով աշխատանքային հանդիպման վերաբերյալ գրառում էր կատարել: Սրանից մեկ շաբաթ առաջ էլ Քերոբյանը հայտարարեց, որ չի պատրաստվում հրաժարականի դիմում գրել․ ստացվում է, որ վերջինիս հորդորել են գնալ այդ քայլին: Մինչդեռ աշխարհի ամենաարագ զարգացող տնտեսության պատասխանատուի դեպքում, համաձայնեք, դա նոնսենս է:

Քերոբյանի հրաժարականի պատճառները հայտնի չեն, սակայն կարող ենք ենթադրել, որ տեղի ունեցածն ամեն դեպքում որոշակի կապ ունի շաբաթներ առաջ էկոնոմիկայի նախարարությունում կատարված կոռուպցիոն բացահայտումների հետ, որոնց արդյունքում աշխատանքից ազատվեց, իսկ այնուհետև մեղադրյալի աթոռին հայտնվեց փոխնախարար Անի Իսպիրյանը: Կան կարծիքներ, որ կոռուպցիոն շղթան հասել է շատ ավելի վերևներ, սրանք, անշուշտ, պարզապես կարծիքներ են, սակայն որոշ չափով այդ հանգամանքը կարող է բացատրել Քերոբյանի աշխատանքից ազատելը:

Չի բացառվում նաև, որ նախարարի հեռանալու պատճառներն ավելի խորքային են: Դիցուք՝ այն հանգամանքը, որ վերջինիս չհաջողվեց ակտիվացնել ԵՄ հետ առևտրաշրջանառությունը, ավելացնել էքսպորտը դեպի ԵՄ երկրներ: Ավելին՝ վերջին շրջանում Արևմուտքից էլ ավելի բարձր է լսվում բողոքի ձայնն առ այն, որ Երևանը փաստացի աչք է փակում և թույլատրում է, որ Ռուսաստան չթույլատրվող ապրանքներ արտահանվեն Հայաստանից կամ Հայաստանի միջոցով: Այդպես է դա, թե ոչ՝ հայտնի չէ, սակայն կարելի է ենթադրել, որ էկոնոմիկայի հաջորդ նախարար է նշանակվելու շատ ավելի ընդգծված պրո-արևմտյան կողմնորոշում ունեցող գործիչ, ինչն էլ կլինի Փաշինյանի հերթական ժեստն Արևմուտքին:

Այս թեմայով Աննախադեպ ռեպրեսիաների քարտ-բլանշ Արևմուտքից՝ Նիկոլ Փաշինյանին Բոլթոն-Փաշինյան-Մուր ծրագիրն՝ ընդդեմ Իրանի Արևմուտքի՝ նոր պատերազմի քարտ-բլանշը Բաքվին ԵՄ ջրցան մեքենաներն՝ ընդդեմ թուրքական «Bayraktar»-ի. Արևմուտքի «հուժկու» աջակցությունը ՌԴ Պետդումայում հայտարարել են՝ «Արևմուտքը Երևանին մղում է ուկրաինական ճանապարհով» Ապրիլի 5-ի հանդիպումը բերելու է Արևմուտք-ՌԴ առճակատման ուժեղացմանը մեր տարածաշրջանում. Սարգսյան Եվրոպացի պաշտոնյան բացահայտեց Արևմուտքի հերթական երկերեսանի խաղն ու կեղծավորությունը Արևմուտքը միջամտում է ՀՀ ներքին գործերին՝ սլաքներն ուղղելով Մոսկվայի կողմը Արևմուտքի երկակի ստանդարտները՝ գերության մեջ գտնվող հայ քաղբանտարկյալներին ազատ արձակելու հարցում Արևմուտքը Հայաստանին մղում է տնտեսական «ինքնասպանության»