ՀՀ շրջափակումը խորանում է. Փաշինյանի արկածախնդիր արտաքին քաղաքականության հետևանքները

Իրանը դեմ է խնդիրների լուծման պատրվակով այլ երկրների ներկայությանը տարածաշրջանում։ Ինչպես հայտնում է իրանական «Irna» գործակալությունը, ՀՀ փոխվարչապետ Մհեր Գրիգորյանի հետ հանդիպման ժամանակ այս հայտարարությունն է արել Իրանի նախագահ Էբրահիմ Ռայիսին։ «Մենք կարծում ենք, որ նրանց ներկայությունը ոչ միայն չի լուծի խնդիրը, այլ ավելի մեծ խնդիր կդառնա մեզ համար»,– ասել է Իրանի նախագահը։ Ռայիսին ընդգծել է նաև Իրանի կարևորությունը տարածաշրջանի կայունության և անվտանգության պահպանման գործում։

Ռայիսիի այս հայտարարությունից հետո հայտնի դարձավ, որ  Իրանը ծրագրում է փակել իր ցամաքային սահմանները հարևան երկրների հետ։ Այս մասին հայտարարել է Իրանի զինված ուժերի ցամաքային զորքերի հրամանատար Ամիր Կիումարս Հեյդարին։  «Սա անարդարություն չէ հարևան երկրների նկատմամբ։ Ցանկացած երկիր իրավունք ունի փակել իր սահմանները»,- նրա խոսքերն են մեջբերում իրանական լրատվամիջոցները։

Ավելորդ է ասել, որ Իրանը Հայաստանի շնչուղիներից մեկն է, և սահմանի փակումը կարող է մեծ հարված հասցնել Հայաստանի տնտեսությանը և ընդհանրապես հայկական պետականությանը: Հիշեցնենք, որ դեռևս 2018 թվականի նոյեմբերի 1-ին խորհրդարանում Փաշինյանը, մասնավորապես, նշել էր, որ հայ-իրանական սահմանը դե ֆակտո ամեն պահի կարող է փակվել՝ ԱՄՆ-ի և Իրանի միջև հարաբերությունների և աշխարհաքաղաքական իրավիճակի պատճառով։ Իսկ հայ-վրացական սահմանը դե ֆակտո կարող է փակվել, օրինակ՝ վատ եղանակային պայմանների պատճառով, աշխարհաքաղաքական պայմանների պատճառով: «ՀՀ-ն կղզի է՝ առանց ծովի։ Այս պայմաններում ինչպե՞ս պետք է վարվի ՀՀ-ն»,- ասել էր վարչապետի պաշտոնակատարը։ Ինչպես տեսնում ենք, ավելի ճիշտ վարվելաձև, քան Հայաստան և մասնավորապես՝ Իրանի հետ սահման արևմտյան դիտորդներ հրավիրելը Փաշինյանը չգտավ: Արդյունքում՝ ունենք այն, ինչ ունենք: Հասկանալի է, որ թե՛ Ռայիսիի, թե՛ իրանցի մի շարք այլ բարձրաստիճան պաշտոնյաների մեսիջներն ու ակնարկներն ուղղված էին հենց Փաշինյանի արևմտականացմանը, սակայն վարչապետը, կարծես թե, ականջալուր չեղավ հարևան երկրի հորդորներին: Տարիներ շարունակ Ադրբեջանի ղեկավարությունը և հասարակությունն ունեցել է մեծ սպասելիքներ, որ ինչպես Թուրքիայի պարագայում է Հայաստանի սահմանը փակ, այնպես էլ Իրանի դեպքում կլինի և կփակվի հայ-իրանական սահմանը։ Ինչպես տեսնում ենք՝ ՀՀ իշխանությունների արկածախնդիր արտաքին քաղաքականությունը լիովին արդարացնում է Անկարայի և Բաքվի սպասելիքները....

Այս թեմայով Փաշինյանի գլխավորությամբ տեղի է ունեցել ՔՊ վարչության նիստ Առաջարկվել է տեղում սկսել աշխատանքները․ կառավարությունը՝ Փաշինյանի հետ կիրանցիների հանդիպման մասին «Հեռացնե՛նք Նիկոլին» վանկարկումների ներքո Փաշինյանը հեռացավ կառավարության շենքից (տեսանյութ) Մեր ոչ մի հարց չլուծվեց. ինչ են պատմում Փաշինյանի հետ հանդիպումից դուրս եկած տավուշցիները (տեսանյութ) Ակցիա՝ կառավարության շենքի դիմաց, մինչ տավուշցիները հանդիպում են Փաշինյանի հետ․ ուղիղ Հանդիպում չի կայանա․ Փաշինյանը չի մեկնելու Պուտինի երդմնակալության արարողությանը. MediaHub «Ծիծեռնակաբերդում» «ցեղասպան Նիկոլ» բառի համար կալանավորվել է 1անձ, մյուս 6 ձերբակալվածները ազատ են արձակվել «Նիկոլ, դավաճան», «2 րոպե ժամանակ ունեք, բացեք ճանապարհը». Արմավիր-Գյումրի ճանապարհին գերլարված է (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ)