Քաղաքացին վիրավորական եվ անպարկեշտ արտահայտություններ է հնչեցրել 4 դատավորների հասցեին

ՀՀ քննչական կոմիտեի Արմավիրի մարզային քննչական վարչությունում ավարտվել է Արմավիրի մարզի բնակչի կողմից դատարանի և դատավորների նկատմամբ անհարգալից վերաբերմունք դրսևորելու դեպքի առթիվ նախաձեռնված քրեական վարույթի նախաքննությունը:  Հայտնում են ՀՀ քննչական կոմիտեից:

Բարձրագույն դատական խորհրդից ստացված հաղորդումների և դրանց կից ներկայացված փաստաթղթերի հիման վրա նախաձեռնված քրեական վարույթի նախաքննությամբ պարզվել է, որ Արմավիրի մարզի բնակիչը քաղաքացիական մի գործի շրջանակներում Արմավիրի մարզի առաջին ատյանի ընդհանուր իրավասության դատարանի դատավորի կողմից 2023 թվականի մարտի 15-ին համապատասխան որոշում կայացնելուց հետո, 2023թ. ապրիլի 14-ին ՀՀ վերաքննիչ քրեական դատարանին հասցեագրված իր բողոքում անպարկեշտ, վիրավորական արտահայտություններ է հնչեցրել վերոնշյալ դատավորի հասցեին։

Բացի այդ, նույն անձն իր վերաբերյալ մեկ այլ քաղաքացիական գործով Արմավիրի մարզի առաջին ատյանի ընդհանուր իրավասության դատարանի 3 այլ դատավորների կողմից, իրենց լիազորությունների շրջանակներում համապատասխան դատավարական որոշումներ կայացնելուց կամ իրենց պաշտոնական լիազորությունը կատարելուց հետո, դատավորների պաշտոնեական լիազորությունների իրականացման առնչությամբ, Արմավիրի մարզի առաջին ատյանի ընդհանուր իրավասության դատարան 2023թ․ մայիսի 4-ին ուղարկել է գրություն, որում ևս վիրավորական, անպարկեշտ արտահայտություններ է հնչեցրել նշված 3 դատավորների հասցեին, ովքեր հանդես են եկել որպես դատարան։

Երկու դեպքում էլ արդարադատության հեղինակության դեմ ուղղված գործողություններ կատարելով՝ Արմավիրի մարզի բնակիչը, արդարադատության իրականացման արդյունքում որոշում կայացնելու՝ դատավորի պաշտոնեական լիազորության իրականացման առնչությամբ, դատարանի նկատմամբ ցուցաբերել է անհարգալից վերաբերմունք:

Ձեռք բերված բավարար փաստերի հիման վրա նշված անձին մեղադրանք է ներկայացվել՝ ՀՀ քրեական օրենսգրքի 489-րդ հոդվածի 2-րդ մասով (2 դրվագ)։

Նախաքննությունն ավարտվել է, և քրեական վարույթի նյութերն այդ մասերով, մեղադրական եզրակացությամբ, ուղարկվել են դատարան:

Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Ռուսաստանը հարցում կուղարկի Ալեն Սիմոնյանի՝ Ռուսաստանի Դաշնության հասցեին հնչեցրած մեղադրանքների վերաբերյալ Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել Վարժական հավաքների շրջանակներում քաղաքացին կծանուցվի նաև azdarar.am կայքի միջոցով Ձերբակալվել է «Նուբարաշեն» քրեակատարողական հիմնարկի դատապարտյալին տեսակցության եկած քաղաքացին Իրանական տելեգրամյան ալիքներն արդեն մի քանի օր է՝ չեն դադարեցնում Ադրբեջանի հասցեին մեղադրանքները Աճարկուտ գյուղում քաղաքացին անտառում ընկել է բլրից. փրկարարները հայտնաբերել են դին Ընդդիմությունը չի ուզում տեսնի, բայց էս օրենքը ցույց ա տալիս՝ քաղաքացին տուգանքի մատերիալ չի Մի տխմար ձևակերպում կա՝ «քաղաքացին պետք է տեր կանգնի իր հայրենիքին», բա դուք ի՞նչ անեք․ Հովհաննիսյան Քաղաքացին դիմել է ոստիկանություն և հայտնել, որ «Արթմեդ» բժշկական կենտրոնում բուժվող իր եղբոր մահվան մեղավորը բժիշկն է «Կրոկուսի» ահաբեկչությանն աջակցելու մեջ մեղադրվող ՌԴ քաղաքացին, ով փորձում էր Հայաստան թռչել, ձերբակալվել է