Արտակարգ դեպք ՝ Կոտայքի մարզում. «ԶԻԼ»-ը վթարային իրավիճակ է ստեղծել «Opel»-ի համար, վերջինն էլ հայտնվել է այգում

Փետրվարի 26-ին ավտովթար է տեղի ունեցել Կոտայքի մարզում:

Ժամը 16:40-ի սահմաններում Արտաշատ-Առինջ ավտոճանապարհին՝ «Ծիրանի» ռեստորանային համալիրի հարևանությամբ Երևանի բնակիչ 48-ամյա Համլետ Կ.-ն իր վարած «ԶԻԼ» մակնիշի բեռնատարով դուրս է եկել ճանապարհի հանդիպակաց գոտի, իսկ Երևանի բնակիչ 30-ամյա Գևորգ Ս.-ն իր վարած «Opel» մակնիշի ավտոմեքենայով «ԶԻԼ»-ին բախվելուց խուսանավել է և դուրս եկել ճանապարհի երթևեկելի գոտուց, անցել երկաթե ճաղավանդակի վրայով ու հայտնվել ճամփեզրում գտնվող բնակչի այգում:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով «Opel»-ի ուղևորներ Երևանի բնակիչներ 48-ամյա Վիտալի Ս.-ն և 42-ամյա Սյուզաննա Ա-ն մարմնական վնասվածքներով տեղափոխվել են «Աբովյան» բժշկական կենտրոն:

Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Կոտայքի մարզի գումարտակի 2-րդ վաշտի պարեկները՝ գումարտակի հրամանատարի տեղակալ Լևոն Բադալյանի, գումարտակի ծառայության տեսուչ Կառլեն Բաղյանի, վաշտի հրամանատար Դավիթ Հովհաննիսյանի գլխավորությամբ:

Վթարի մասին ՊԾ Կոտայքի մարզի գումարտակից տեղեկությունը փոխանցել են Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը՝ օրվա պասատխանտու հերթապահ քննիչի գլխավորությամբ:

Վթարի փաստով Աբովյանի քննչական բաժնում նախաձեռնվել է քրեական վարույթ:

Այս թեմայով Լեռնագոգում ԼՂ-ից բռնի տեղահանված ընտանիքների համար կառուցվում է 14 առանձնատուն և մանկապարտեզ Շնորհակալ եմ ձեզ՝ հազարավոր շնորհավորանքների և մաղթանքների համար․ Աշոտյանը՝ կալանավայրից Լարսը փակվել է բոլոր տեսակի տրանսպորտային միջոցների համար Ապօրինություններն արվում են բացառապես ինձ անազատության մեջ պահելու համար. Հարությունյան Քննչական կոմիտեն 125.000 դոլարով Land Cruiser է գնել Արգիշտի Քյարամյանի համար. լրագրող Վեհափառն իր գնահատանքն է հայտնել Իրաքին հայ համայնքի նկատմամբ հոգատար վերաբերմունքի համար Ցածր ծնելիությունն «աղետшլի է» ազգի ապագայի համար. Պեսկով Կարանտին վնասակար օրգանիզմները մարդու կյանքի և առողջության համար վտանգավոր չեն․ ՍԱՏՄ-ը՝ դեպի ՌԴ արտահանման արգելքի մասին Երևանի «Ավանգարդ» հյուրանոցի տարածքում տեղի ունեցած սպանության համար մեղադրվողը կալանավորվել է Արարատի մարզում վաղը մի շարք հասցեներում կդադարեցվի ջրամատակարարումը