Ֆրանսիան Ուկրաինայի համար 100 Delair անօդաչու թռչող սարք կգնի

Ֆրանսիան այս ամառ 100 անօդաչու թռչող սարք կփոխանցի Ուկրաինային, որոնք ձեռք է բերել անօդաչու թռչող սարք արտադրող Delair ընկերությունից, հայտնել է երկրի պաշտպանության նախարար Սեբաստյան Լեկորնուն։

«Նորարարական ծրագրի շրջանակներում Ֆրանսիան Delair-ից պատվիրել է 100 անօդաչու թռչող սարք, որոնք Ուկրաինա կժամանեն այս ամառ։ Ընդհանուր առմամբ, մեր պաշտպանական արդյունաբերությունից ձեռք կբերվի 2000 հեռակառավարվող մեքենա մեր բանակի և Ուկրաինայի կարիքների համար»,- X սոցիալական ցանցում գրել է Ֆրանսիայի պաշտպանության նախարար Սեբաստյան Լեկորնուն։