Էներգաարդյունավետ արդիականացումը խնայում է էներգիայի վրա ծախսվող ֆինանսական ռեսուրսների 20-50 տոկոսը

Էներգաարդյունավետ արդիականացումն օգնում է խնայել էներգիայի վրա ծախսվող ֆինանսական ռեսուրսների 20-50 տոկոսը: Այս մասին մարտի 5-ին Շիրակի մարզպետի աշխատակազմում կայացած տեղեկատվական հանդիպման ժամանակ նշեցին ՄԱԿ-ի զարգացման ծրագրի և Կլիմայի կանաչ հիմնադրամի կողմից իրականացվող «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագրի ներկայացուցիչները։

«Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագրի առաջնային նպատակը շենքերի էներգաարդյունավետ արդիականացմանն ուղղված գործողություններին աջակցելն է` նպաստելով այդ շենքերի բնակիչների և սեփականատերերի՝ էներգիայի ու դրամական միջոցների էական տնտեսմանը:

Ծրագիրը սերտորեն համագործակցում է ՀՀ տարածքային կառավարման ու ենթակառուցվածքների նախարարության հետ՝ համաֆինանսավորելով Պետական սուբվենցիոն ծրագրի շրջանակում համայնքների ներկայացրած հայտերը, ինչպես նաև տեխնիկական օժանդակություն տրամադրելով սուբվենցիոն հայտերի լրացման պահից մինչև նախագծերի մշակման և շինարարության իրականացման փուլերում։

Հանդիպման ժամանակ համայնքապետարանների ներկայացուցիչներին առաջարկվեց 2025թ. սուբվենցիոն ծրագրերը կազմելիս դիտարկել այս հնարավորությունը։

Էներգաարդյունավետ արդիականացումն օգնում է համայնքներին ու համայնքի բնակիչներին խնայել էներգիայի վրա ծախսվող ֆինանսական ռեսուրսների 20-50 տոկոսը: 2023 թվականի դեկտեմբերի դրությամբ ավելի քան 150 բնակելի և 50 հասարակական շենք Հայաստանում համաֆինանսավորվել է ծրագրի միջոցով: Մասնավորապես, ՄԱԶԾ-ի դրամաշնորհային համաֆինանսավորումը բազմաբնակարան շենքերի դեպքում կազմում է էներգաարդյունավետության միջոցառումների արժեքի 25 տոկոսը, իսկ հանրային և համայնքապատկան շենքերի՝ 20 տոկոսը:  

Այս թեմայով Աջակցություն գյուղատնտեսական նշանակության հողերի միավորմանը. պետությունը կփոխհատուցի ձեռք բերվող և միավորվող հողերի կադաստրային արժեքի 30 տոկոսը. «Փաստ» Մեզ անհրաժեշտ է ներքին հաշտություն ու համահայկական բոլոր ռեսուրսների համախմբում. Գագիկ Ծառուկյան ԱՄՆ Կոնգրեսի Ներկայացուցիչների պալատը հավանություն է տվել Ուկրաինային ռազմական և ֆինանսական օգնության ծախսերի վերաբերյալ Ֆինանսական խարդախությունները թափ են հավաքում. նորանոր մեխանիզմներ են գործարկվում. «Փաստ» Նոր լիազորություն վարչապետին. լրացուցիչ ֆինանսական միջոցների անհրաժեշտության հարցը դեռ հստակ չէ. «Փաստ» Տուգանքի 50 տոկոսը վճարելու դեպքում պարտավորությունը կհամարվի կատարված «Հրապարակ». Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Ատեստավորմանը դրական արդյունք է գրանցել ԱԱԾ ծառայողների 20 տոկոսը Միջուկային էներգիայի գագաթնաժողովի շրջանակում հանդիպում ունեցա Էմանուել Մակրոնի հետ. Փաշինյան Փաշինյանը Բրյուսելում մասնակցում է Միջուկային էներգիայի գագաթնաժողովին