Արևմտամետներ փնտրեք ուրիշ տեղ` Հայաստանից դուրս. Արմեն Գրիգորյան

Արեւմուտքի կողմից ոչ մի պարտադրանք չկա եւ Ռուսաստանի հետ հարաբերությունները Հայաստանի կողմից ոչ ոք չի փչացրել: Այս մասին այսօր՝ մարտի 6-ին, ԱԺ-ում ՔՊ խմբակցության պատգամավորների հետ հանդիպումից հետո լրագրողների հետ զրույցում նշեց ԱԽ քարտուղար Արմեն Գրիգորյանը:

«Մեզ հաճախ մեղադրում են, որ մեր պատճառով է Հայաստան-Ռուսաստանի հարաբերությունները փչացել: Բայց եկեք ավելի մեծ պատկերի մեջ դնենք ու փորձենք հասկանալ՝ արդյո՞ք Ռուսաստանն իր հարաբերությունները այլ երկրների հետ էլ է փչացրել: Եթե նայենք, կտեսնենք, որ Հայաստանի նման բազմաթիվ օրինակներ կան, միայն Հայաստանը չէ: Ռուսաստանը միայն մեզ չի վատ վերաբերվում:

Եթե մեկը շատերի հետ վատ է, այդ շատերի խնդիրը չի, երեւի մեկ հոգու խնդիր է: Եվ ես չեմ հասկանում, որ ամեն անգամ Հայաստանին է պարտադրվում, որ Հայաստանի մեղավորությունն է: Միաժամանակ, մենք տեսնում ենք, որ այնպես չէ, որ բոլորի հետ Ռուսաստանի հարաբերությունները հարթ են: Իսկ կարո՞ղ է՝ մեր լրագրողները փոխեն այս հարցադրումը, ամեն անգամ մեզ չգան հարցնեն, այդ հարցադրումն ուղղեն Ռուսաստանին»,-ասաց նա:

Անդրադառնալով նրան, որ Հայաստանին մեղադրում են դեպի Արեւմուտք գնալու մեջ, ԱԽ քարտուղարն ասաց. «Արեւմուտքին այս պահին ամենաուժեղացնող գործոնը Ուկրաինայի պատերազմն է: Այդ պատերազմի արդյունքում ՆԱՏՕ-ն ընդլայնվել է: ԵՄ-ն Ուկրաինայի պատերազմից հետո միահամուռ է, ԱՄՆ-ի ռազմական արդյունաբերությունը զարգանում է շատ ինտենսիվ նաեւ այդ այդ պատերազմի պատճառով: ՆԱՏՕ-ն ամենաուժեղն է: Հիմա կարող ենք հարց տալ՝ էդ մե՞նք ենք Արեւմուտքին ուժեղացնում, թե՞ այն մարդիկ, որոնք որոշել են այդ պատերազմն իրականացնել եւ դրա արդյունքում Արեւմուտքն ուժեղացել է: Այդ կոնտեքստում պետք է արեւմտամետներ փնտրել ուրիշ տեղ` Հայաստանից դուրս»:

Այս թեմայով Տավուշցիները մեքենայի մեջ նկատել են Մհերի Գրիգորյանին ու Շահին Մուստաֆաևի՞ն․ 168.am Երեկ աշխարհին ապացուցեցինք, որ կով չենք․ Արմեն Աշոտյան Մեր Հայաստանի տարածքները նվիրվում են թշնամուն, սա անարդար ու անօրեն որոշում է. Արսեն Գրիգորյան (տեսանյութ) Մհեր Գրիգորյանն Իրանի դեսպանի հետ քննարկել է սահմանազատման գործընթացի վերջին զարգացումները Էդ ո՞վ ա էդ Արմեն Գրիգորյանը, թող գա տեսնենք՝ ինչ անվտանգություն կա, թող գա ստեղ աշխատի. կիրանցեցի (տեսանյութ) Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Գրիգորյանը չի մասնակցի Պետերբուրգում Անվտանգության հարցերը համակարգող ներկայացուցիչների հանդիպմանը Ես խոնարհվում եմ Բագրատ Սրբազանի առջեւ. Սամվել Գրիգորյան Ինչ է անում փաշինյանական խունտան Հայաստանի սահմանները թուլացնելու առումով․ Արմեն Այվազյան Ավարտվել է Մհեր Գրիգորյանի ու Տավուշի բնակիչների հետ հանդիպումը