2021 թվականի ընտրություններին հաջորդած երեք տարվա արդյունքներով տնտեսական աճի թիրախն ապահովված է. Նիկոլ Փաշինյան

Հայաստանի կառավարությունը ապահովել է 2021 թվականից հետո սահմանած տնտեսական աճի թիրախը: Այդ մասին մարտի 12-ի ասուլիսի սկզբում հայտարարեց վարչապետ Նիկոլ Փաշինյանը:

«2023 թվականի արդյունքներով ՀՀ-ում արձանագրվել է 8.7 տոկոս տնտեսական աճ: Այստեղ ճշգրիտ լինելու համար ասեմ, որ ֆինանսների նախարարության և Վիճակագրության կոմիտեի միջև որոշակի քննարկում կա աճի ճշգրիտ թվի հետ կապված, բայց վստահ ենք, որ տնտեսական աճը 8 տոկոսից ավելի է: Հընթացս երևի կճշգրտվի կամ կմնա նույնը:

2021 թվականի արտահերթ խորհրդարանական ընտրությունների արդյունքներով ձևավորված կառավարությունը 2021-2026 թվականներին տարեկան միջինում 7 տոկոս տնտեսական աճի ապահովումը սահմանեց որպես առանցքային թիրախ: 2022 թվականին Հայաստանում արձանագրվել է 12.6 տոկոս տնտեսական աճ: 2021 թվականին 5.8 տոկոս տնտեսական աճ: Ըստ այդմ, ընտրություններին հաջորդած երեք տարվա արդյունքներով՝ տնտեսական աճի թիրախն ապահովված է: Բազմիցս եմ նշել, որ Հայաստանի պետական շահը տնտեսական զարգացումն է, որից պետք է բխեն կառավարության քաղաքականություններն ու որոշումները: Տնտեսական զարգացումն է, որ ՀՀ-ին հնարավորություն կտա սպասարկել պետական օրակարգն իր ամբողջության մեջ: Այս առումով ուզում եմ շնորհակալություն հայտնել աշխատող, արդյունք ստեղծող և օրենքով նախատեսված հարկերը վճարող մեր բոլոր քաղաքացիներին և ՀՀ-ում տնտեսական գործունեություն ծավալող և հարկեր վճարող բոլոր անձանց, ովքեր 2023 թվականի պետական բյուջեի համար ռեկորդային՝ 2 տրլն 222 մլրդ դրամ հարկային եկամուտներ են ապահովել: Այդ ցուցանիշը 2017 թվականի պետական բյուջեի եկամուտների համեմատ ավելի է շուրջ 92 տոկոսով կամ 1 տրլն 64 մլրդ դրամով»,- նշեց Նիկոլ Փաշինյանը:    

Այս թեմայով Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Ստամբուլում կինը դատապարտվել է 1794 տարվա ազատազրկման Մարդը տանում է մեքենան տեխզննման, ստիպում են ընթացիկ տարվա գույքահարկ վճարել. Թունյան (տեսանյութ) Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով