Հայաստանը դուրս կգա ՀԱՊԿ-ից, եթե չպատասխանեն այդ հարցին․ Փաշինյան

Այսօրվա ասուլիսի ընթացքում Փաշինյանը անդրադարձ է կատարել ՀԱՊԿ-ում անդամակցությունը սառեցնելու վերաբերյալ իր հայտարարություններին։ Նա մասնավորապես նշել է․

«Գիտեք՝ պետք չի քաղաքական որոշումը և դիրքորոշումը շփոթել իրավական գործընթացների հետ։ Այո՛, մենք ՀԱՊԿ-ում փաստացիորեն մեր գործունեությունը սառեցրել ենք, դա նշանակում է՝ մենք նիստերին չենք մասնակցում, ներկայացուցիչ չունենք, և օրինակ՝ հարց չի՞ ծագում՝ էս ինչի՞ Հայաստանը ՀԱՊԿ-ում մշտական ներկայացուցիչ չունի, էս ինչի՞ չի օգտագործում իր քվոտան ՀԱՊԿ-ի գլխավոր քարտուղարի տեղակալ նշանակելու համար, ինչու՞ կարծիք չի արտահայտում ՀԱՊԿ-ում շրջանառվող փաստաթղթերի վերաբերյալ։ Ինչքանո՞վ է մեր դիրքորոշումը ՀԱՊԿ-ի նկատմամբ ազնիվ, արդար և բարոյապես ճիշտ․ այդ հարցին պատասխանելու համար մեր ասելիքը չի փոխվում։

Հիմա մենք խնդրում ենք, ակնկալում ենք, նաև պահանջում ենք, որպեսզի պատասխանեն մի հարցի՝ ո՞րն է ՀԱՊԿ-ի պատասխանատվության գոտին Հայաստանում։ Մենք ՀԱՊԿ-ի հետ կապված ոչ մի բանով պրոբլեմ չենք ստեղծել, բոլոր խնդիրները ստեղծվել են այն կետից, երբ մենք հարց ենք բարձարցրե, թե ո՞րն է  նրանց պատասխանատվության գոտին ՀՀ-ում և այդ հարցի պատասխանը չենք ստացել։

Ընդ որում՝ այդ հարցը օդից չի ընկել․ դրանից առաջ եղել են շատ լուրջ քննարկումներ և մենք ՌԴ-ից ու ՀԱՊԿ-ից ստացել ենք շատ հստակ դիրքորոշում, որ ՀՀ ինքնիշխան տարածքը կարմիր գիծ է նրանց համար, սակայն երբ տեղի են ունեցել 2021-ի մայիսի իրադարձությունները, մենք արձանագրել ենք պաշտոնապես, որ կարմիր գիծը հատված է, և զգացել ենք, որ չկա նախորոշված ՀԱՊԿ կանոնադրության մեջ ճգնաժամային իրավիճակներին արձագանքման քայլեր։ Բայց մենք նույնիսկ այդ ժամանակ հրապարակային որևէ խնդիր չենք հարուցել։

Այսօր էլ այս հարցը սեղանին դրված է․ եթե ՀԱՊԿ-ը կպատասխանի այդ հարցին, և դա կհամապատասխանի մեր պատկերացումներին, դա կնշանակի՝ հարցերը հասցեագրված են, լուծված և ամփոփված, եթե ոչ՝ Հայաստանը դուրս կգա ՀԱՊԿ-ից, ե՞րբ՝ չեմ կարող ասել»,- հայտարարեց Փաշինյանը։

Այս թեմայով «Դավաճանը հանձնում է Հայաստանը»․ ակցիա՝ Հովհաննես Դավթյանի ներկայացման ժամանակ (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Հայաստանը շուտով Թուրքիային կփոխանցի Անիի կամրջի վերականգնման շուրջ իր մոտեցումները. ԱԳՆ Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան ԵՄ-ում Հայաստանի դեսպան. ՀԱՊԿ-ը լքեց մեզ Ո՞ւր են ներքաշում Հայաստանը. «Փաստ»