Շվեդիան հայտարարել է, որ չի ցանկանում ՆԱՏՕ-ի միջուկային զենքը տեղակայել իր տարածքում

Շվեդիայի արտգործնախարար Թոբիաս Բիլստրյոմը հայտարարել է, որ իր երկիրը չի ցանկանում իր տարածքում տեղակայել ՆԱՏՕ-ի միջուկային զենք, ինչպես նաև դաշինքի մշտական ​​ռազմակայաններ։ Այս մասին նա ասել է Anadolu գործակալությանը տված հարցազրույցում։

«Բնականաբար, ՆԱՏՕ-ի զորքերը կգործեն Շվեդիայում, սակայն մենք չենք ցանկանում ունենալ ՆԱՏՕ-ի մշտական ​​բազաներ: Մենք նաև պատճառ չենք տեսնում խաղաղ ժամանակ մեր տարածքում միջուկային զենք ունենալու: Այս հարցում մենք կգնանք Նորվեգիայի և Դանիայի ճանապարհով: ՆԱՏՕ-ի միայն երեք երկրներ՝ ԱՄՆ-ն, Անգլիան և Ֆրանսիան, ունեն միջուկային զենք»,- ասել է նա։ Բիլստրյոմը հիշեցրել է, որ «սառը պատերազմի ավարտից ի վեր միջուկային զենք չի տեղակայվել դաշինքի անդամ որևէ այլ երկրի տարածքում»:

Շվեդիայի ԱԳՆ ղեկավարը հավելել է, որ ՆԱՏՕ-ի ոչ մի անդամ «պարտավոր չէ իր տարածքում միջուկային զենք ունենալ իր կամքին հակառակ»։ «Այնպես որ, ես կարծում եմ, որ այս հարցը [Շվեդիայում միջուկային զենքի հնարավոր տեղակայման մասին] ինչ-որ չափով չափազանցված է: Մենք ՆԱՏՕ-ին անդամակցեցինք՝ առանց որևէ նախապայմանի»,- ասել է նա:

Փետրվարի 26-ին Հունգարիայի խորհրդարանը վավերացրեց ՆԱՏՕ-ին Շվեդիայի անդամակցության պայմանագիրը։ Հունգարիան ՆԱՏՕ-ի վերջին երկիրն էր Թուրքիայից հետո, որը չվավերացրեց դաշինքին Շվեդիայի միանալու մասին արձանագրությունը։

Մարտի 7-ին պաշտոնապես ուժի մեջ մտավ Շվեդիայի՝ ՆԱՏՕ-ին միանալու մասին արձանագրությունը։ Երկիրը դարձավ դաշինքի 32-րդ անդամը։

Այս թեմայով ՀՀ տարածքում կան փակ ավտոճանապարհներ ՀՀ իշխանությունները հայտարարել են, որ Պուտինին չեն «ձերբակալի», եթե նա գա Հայաստան Մոսկվայում ցուցադրել են ռազմավարը՝ Ուկրաինայի և ՆԱՏՕ-ի զինտեխնիկան (լուսանկարներ) ՆԱՏՕ-ի երկրները Կիևին չեն տվել խոստացված օգնությունը․ Ստոլտենբերգ ՄԻԵԴ-ն ու ՄԱԿ-ը երբեք չեն հայտարարել, որ ՀՀ-ն «օկուպացրել է» Լեռնային Ղարաբաղը (տեսանյութ) Ռուսաստանի և ՆԱՏՕ-ի միջև բախումն անթույլատրելի է. Շոլց Եթե գերտերությունը գեոտնտեսական շահեր է հետապնդում, ապա խոչընդոտում է այդտեղի ժողովուրդների անկախացմանն ու պետականակերտմանն ուղղված գործընթացներին. Դավթյան ՀՀ տարածքում կան փակ ավտոճանապարհներ Փոխվարչապետը երաշխավորում է՝ Ոսկեպարի եկեղեցին մնալու է Հայաստանի տարածքում. Մհեր Գրիգորյանի գրասենյակ ՆԱՏՕ-ն ողջունում է Հայաստանի և Ադրբեջանի համաձայնությունը. Կոլոմինա