Լրագրողների հետ քննարկվել են «Տարվա 10 լավագույն մարզիկներ» մրցույթի կարգի փոփոխությունները

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը հանդիպել է մարզական լրագրողների հետ և ամփոփել «Տարվա 10 լավագույն մարզիկներ» մրցույթի անցկացման կարգի փոփոխությունների շուրջ քննարկումները:

Կարգում նախատեսվող փոփոխությունների նախնական տարբերակը մշակվել է՝ հաշվի առնելով նաև մարզական լրագրողների կողմից ներկայացված առաջարկներն ու մասնագիտական դիտարկումները:

«Տարվա 10 լավագույն մարզիկներ» մրցույթի՝ 50 մլն դրամ մրցանակային ֆոնդը կմնա անփոփոխ: Կսահմանվեն նոր անվանակարգեր, որոնց հաղթողները կստանան 5-ական մլն դրամ՝ առանց հարկերի և տուրքերի: Մեկ անվանակարգի՝ «Հանդիսատեսի համակրանքի» դեպքում, որի հաղթողը կորոշվի էլեկտրոնային բաց քվեարկությամբ, որպես մրցանակ կսահմանվի հուշանվեր:

Կսահմանվեն նաև հետևյալ անվանակարգերը, որոնք նախատեսում են դրամական պարգևատրում՝

«Լավագույն եռյակ» (եռյակում ընդգրկված յուրաքանչյուր մարզիկ կստանա 5-ական մլն դրամ)

«Լավագույն կին մարզիկ»

«Հաշմանդամային սպորտով զբաղվող լավագույն մարզիկ»

«Լավագույն երիտասարդ մարզիկ»

«Լավագույն թիմ»

«Լավագույն վերադարձ / հայտնություն»

«Լավագույն մարզիչ»

«ՀՀ-ն լավագույնս հանրահռչակած մարզիկ»

Ընդ որում՝ մարզիկը կարող է ընդգրկվել միայն մեկ անվանակարգում՝ բացի «Հանդիսատեսի համակրանքից»:

Քվեարկությունը կանցկացվի փակ, գաղտնի ձևաչափով: Քվեարկությանը կմասնակցեն միայն մարզական լրագրողները: Ընդ որում՝ հավակնորդների ցանկում սահմանափակումներ չեն նախատեսվում:

Նախատեսվում է մրցանակաբաշխությունն իրականացնել յուրաքանչյուր տարվա հունվար ամսին, երբ բոլոր մրցաշարերն արդեն ավարտված կլինեն:

«Տարվա 10 լավագույն մարզիկներ» մրցույթի անցկացման կարգի վերջնական տարբերակը կշրջանառվի մեկամսյա ժամկետում:

Այս թեմայով Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան Ստամբուլում կինը դատապարտվել է 1794 տարվա ազատազրկման Քննարկվել են ՀՀ-Իտալիա ռազմական համագործակցության հարցեր Մարդը տանում է մեքենան տեխզննման, ստիպում են ընթացիկ տարվա գույքահարկ վճարել. Թունյան (տեսանյութ) Պատվաստումը երեխաներին վարակներից պաշտպանելու լավագույն միջոցն է. ԱՆ Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Քննարկվել է Հայկական ԱԷԿ-ի երկրորդ էներգաբլոկի շահագործման երկարաձգման հարցը. ՏԿԵՆ Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները Սա է պատերազմից խուսափելու լավագույն միջոցը. Ֆինլանդիայի նախագահ Քննարկվել է EuroPris-ին Հայաստանի անդամակցության հնարավորությունը