Միգուցե ԱԺ իմ աշխատավարձը բարձրանա՞ դրանով, ի՞նչ գիտեք․ Թամազյան

Այսօր ԱԺ տնտեսական հարցերի մշտական հանձնաժողովի հերթական նիստի ընթացքում քննարկվում էր Կառավարության կողմից ներկայացված «Պետական տուրքի մասին օրենքում լրացում կատարելու և ավիացիայի մասին օրենքում լրացում կատարելու մասին» օրենքների նախագծերի փաթեթը։ Հիմնական զեկուցողը Տարածքային կառավարման  և ենթակառուցվածքների նախարարի տեղակալ Արմեն Սիմոնյանն էր։

ԱԺ աշխատակազմի փորձագիտական վարչությունը դիտարկումներ էր ներկայացրել, մասնավորապես՝ ֆինանսատնտեսագիտական փորձաքննության արդյունքներով եզրահանգումն այն էր, որ նախագծերի փաթեթը վերաիմաստավորման և լրամշակման կարիք է զգում։ Թամազյանը մանրամասնեց այդ հետևության պատճառները՝

«Դուք ասում եք՝ բարձրացրել եք աշխատավարձերը, շատ լավ եք արել, բայց ձեր ասածը այլ խնդիր է։ Ձեր ուշադրությունը հակասության վրա եմ հրավիրում․ դուք նախագծի հիմնավորման մեջ գրում եք, որ ուզում եք այս նախագծով բարձրացնել ավիացիայի բնագավառի մրցունակությունը, բայց անում եք քայլ, որը հակասում է մրցունակության բարձարացման տնտեսագիտական ամբողջ կոնցեպցիային։

Որպեսզի բարձրացվի որևէ ոլորտի մրցունակությունը, նախ պետք  է հնարավորություն ստեղծել, որպեսզի ինքնարժեքը հնարավորինս ցածր լինի, հետևել, որպեսզի ծառայությունների մատուցման որակը բարձր լինի, իսկ որակը ապահովելու համար գոնե, եթե ինչ-որ վերահսկողական նախագիծ առաջարկեիք՝ ես մեծ սիրով կհամաձայնեի։ Եթե որևէ ծառայության լիցենզավորման համար տրվում է թուղթ, դրա մեջ որակ չի բարձրանալու։

Ես չեմ տեսել մի տուրք, որը կստիպի մարդկանց բարձրացնել ծառայության որակը։ Կա ծառայություն, որը մատուցվում է պետական բյուջեի տված աշխատավարձով, հիմա ասում եք՝ մի հատ էլ առանձին գումար դրա համար գանձենք, է լավ, գանձեցիք, բայց ո՞րն է երաշխիքը, որ այդ գումարը գնալու է այդ մարդկանց աշխատավարձի բարձրացմանը։

Միգուցե Ազգային ժողովի իմ աշխատավարձը բարձրանա՞ դրանով, ի՞նչ գիտեք, որտեղա՞ գրված, որ այդ պետական տուրքը գնալու է այդ մարդկանց աշխատավարձի բարձրացմանը։ Ես դրա համար եմ ասում՝ կա ձև, կա ծախսային ծրագիր, որը հաստատվում է սահմանված կարգով»,- նախագծի փաթեթի վերաբերյալ նման դիտարկումներով հանդես եկավ Թամազյանը։ 

Այս թեմայով «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» ՔՊ-ական Նարեկ Մանուկյանի ամսական աշխատավարձը 2մլն դրամով գերաազանցում է Փաշինյանի ամսական աշխատավարձին Ուզում ենք, որ ոստիկանի երեխան հայրիկին կամ մայրիկին մղի, ասի՝ ինչո՞ւ քո աշխատավարձը կրկնակի բարձր չէ․ Փաշինյան Թոշակ չեն ավելացնում, բայց ոստիկանների աշխատավարձը նորից բարձրացնում են. «Փաստ» Կիստան տարածված բան ա, բայց դրանով բանակից ազատվելը ընդունելի չի. Փաշինյան ՀՌՀ-ն ի՞նչ ոգևորիչ աշխատանք է արել, որ բարձրացնում ենք աշխատավարձը, 38 մլն դրամն էլ ընդամենը է, հա՞ Միգուցե Փաշինյանը հաճույք է ստանում ցավեցնելով, որ ամեն անգամ գրոհում է Եռաբլուրը. Աստղիկ Գալեյան Սիրելի դայակ ու դաստիարակներ, բոլորիդ աշխատավարձը փետրվարից 15-30%-ով բարձրացրել ենք. Ավինյան «Ժողովուրդ». ՊԵԿ նախագահի տեղակալի կնոջ աշխատավարձը կրկնապատկվել է, մեքենայի արժեքը՝ եռապատկվել Որքան մեծ է ծառայության ռիսկը, այնքան բարձր է աշխատավարձը, կներդրվի նոր համակարգ. փոխնախարար