Գյուղերի հանձնման դեպքում Վրաստան գնացող ճանապարհը հայտնվելու է Ադրբեջանի թիրախում․ Արթուր Խաչատրյան

Այսօր լրագրողների հետ ճեպազրույցի ընթացքում «Հայաստան» խմբակցության պատգամավոր Արթուր Խաչատրյանը անդրադարձել է նախօրեին ՀՀ վարչապետ Նիկոլ Փաշինյանի ասուլիսի հիմնական ուղերձներին։ Մասնավորապես, նա խոսել է Տավուշի մարզի 4 գյուղեր Ադրբեջանին հանձնելու մասին․

«Ինչպես ադրբեջանական բոլոր պահանջների առջև, այս պահանջի առջև Փաշինյանը նույնպես ընկրկելու է։ ՀՀ փոխարտգործնախարար Վահան Կոստանյանն ասել էր, որ 4 գյուղերի հետ կապված իրենք խնդիր չունեն, իսկ մնացած գյուղերի հարցը կլուծվի սահմանազատման և սահմագծման գործընթացում։

Եվ բնական հարց է առաջանում՝ այդ դեպքում, եթե ամբողջ տարածքում են իրենք ուզում սահամանզատում, սահմանագծում անցկացնել, դե թող այդ ամբողջ հարցը՝ 4 գյուղերի հետ միասին, կոմպլեքս լուծվի՝ սահմանազատման, սահմանագծման գործընթացքում»,- նշեց պատգամավորն ու իր տեսակետը ներկայացնելով վստահեցրեց, որ եթե ՀՀ իշխանությունը հանձնի այդ հատվածը, Հայաստանի ամբողջ հյուսիս-արևելքը խոցելի է լինելու, իսկ Ադրբեջանի բանակցային հզորությունը՝ շատ ավելի մեծ։

Ըստ Խաչատրյանի՝ Վրաստան գնացող ճանապարհը ևս հայտնվելու է ադրբեջանական թիրախում․

«Ադրբեջանական մխրճումները ռազմավարական նշանակություն ունեցող կետերում են տեղի ունեցել։ Դրանք բարձունքներ են, որոնք վերահսկում են ճանապարհները, որոնցից շատ հեշտ է Հայաստանը, օրինակ՝ մեջտեղից կիսել, հարավը հյուսիսից ամբողջովին կտրել»,- նման դիտարկում արեց ընդդիմադիր պատգամավորն ու արձագանքեց նաև այն հարցին՝ ինչու՞ է Փաշինյանը հղում անում Խորհրդային ժամանակաշրջանի սահմաններին․

«Փաշինյանը երևի միակ հայն է, որը պատրաստ է բոլշևիկների գծած սահմանը մարմնով պաշտպանել»,- պատասխանեց նա։

Այս թեմայով Քաղաքացիները փակել են Մեղրի-Երևան ճանապարհը Գիտեին ով եմ, բայց ուժով տարան բաժին ու դեռ իբր ճշտում են` ինչ հիմքով են բերման ենթարկել. Խաչատրյան (տեսանյութ) Իրավիճակը` Տավուշում. փակել են Նոյեմբերյան տանող ճանապարհը (տեսանյութ) Բերման են ենթարկել Արթուր Խաչատրյանին Ոստիկանները հարձակվեցին պատգամավոր Արթուր Խաչատրյանի վրա Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են. Շոլց Քաղաքացիները փակել են Գյումրի-Վանաձոր ճանապարհը Հնդկաստանի ԱԳՆ-ն արձագանքել է Ադրբեջանի՝ Հայաստանին զենք մատակարարելու առթիվ քննադատությանը Քաղաքացիները փակել են Էջմիածին տանող ճանապարհը. ակցիան շարունակվում է Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը