Արդեն 90 հազարից ավելի էլեկտրոնային դեղատոմս է դուրս գրվել. Անահիտ Ավանեսյան

Դեղերի տրամադրման թվային համակարգի ներդրումից հետո Հայաստանում արդեն ավելի քան 90 հազար էլեկտրոնային դեղատոմս է տրվել հիվանդներին: Կառավարության մարտի 14-ի նիստից հետո լրագրողների հետ ճեպազրույցում հայտարարեց առողջապահության նախարար Անահիտ Ավանեսյանը:

Նա նշեց, որ բժիշկներն ու բուժառուներն աստիճանաբար ընտելանում են նոր կարգին, ինչը վկայում է նորամուծության կենսունակության մասին:

«Էլեկտրոնային դեղատոմսերի խնդիրը հետզհետե կարգավորվում է. թե էլեկտրոնային դեղատոմս դուրս գրողները, թե պացիենտները սովորում և ընտելանում են համակարգին: Այս օրերին արդեն 90 հազարից ավելի էլեկտրոնային դեղատոմս է դուրս գրվել, ինչը խոսում է այն մասին, որ համակարգը շատ ակտիվ աշխատում է: Նորից հայցում եմ մեր բոլոր քաղաքացիների ներողամտությունը, որովհետև ցանկացած համակարգ ներդնելիս որոշակի ժամանակ է անհրաժեշտ, որպեսզի բոլոր օղակները սկսեն համահունչ աշխատել: Մեր բոլոր օղակների աշխատողները փորձում են հնարավորինս սահուն կազմակերպել գործընթացները: Մի քանի օրից, կարծում եմ, խնդիրները կկարգավորվեն»,- նշեց Անահիտ Ավանեսյանը:

Նախարարը չի կիսում այն տեսակետը, որ նորամուծությունը պետք էր հետաձգել մինչև հասարակության ավելի պատրաստ լինելը: Նա հայտարարեց, որ նախարարությունը մտադիր է սահմանված ժամկետներում իրականացնել բոլոր նախանշած բարեփոխումները:

Միաժամանակ, Անահիտ Ավանեսյանն ընդգծեց, որ իրենք ուսումնասիրում են նոր համակարգի հետ կապված բոլոր մտահոգությունները, որոնց վերաբերյալ արդեն իսկ տրվել են համապատասխան լուծումներ: Մասնավորապես, փորձ է արվում պահպանել բժշկական գաղտնիքը և նվազագույնի հասցնել էլեկտրոնային դեղատոմսից օգտվող անձի անհատական տվյալների արտահոսքը:

Այս թեմայով Լևոն Տեր-Պետրոսյանը դուրս է գրվել հիվանդանոցից Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև Պարզվում է՝ իրականում ավելի մեծ տարածք են տալիս Ադրբեջանին, քան մեզ ցույց են տվել. կիրանցի (տեսանյութ) Անահիտ Մանասյանը ՄԻՊ աշխատակազմի հետ ապրիլի 24-ին այցելել է Ծիծեռնակաբերդի հուշահամալիր Արհեստածին Ադրբեջանը ստեղծել են, որպեսզ շարունակեն և ավարտեն հայերի ցեղասպանությունը Օսմանյան Թուրքիայից դուրս. Լարիսա Ալավերդյան (տեսանյութ) Իրենց կուռքի ստեղծած կանալիզացիոն համակարգն արդեն error է տվել. դագաղները այլևս թռչող բումերանգներ են. Զոհրաբյան Առաջին անգամ Ցեղասպանության թանգարանում մարդ չկար, հրաժարվելու հիմքն արդեն դրված է (տեսանյութ) Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով