Կանեփի ջերմոց-լաբորատորիա, մեթամֆետամին ու մարիխուանա. ոստիկանների բացահայտումը (տեսանյութ)

Վաղարշապատի քրեական հետախույզները փետրվարի 19-ին ստացել էին օպերատիվ տեղեկություն, որ Էջմիածն քաղաքի Արագածի զանգվածում բնակվող երկու եղբայր Արմավիրի մարզում և Երևանում «Տելեգրամ» հավելվածի միջոցով տարբեր վայրերում տեղադրելով` իրացնում են մեթամֆետամին և մարիխուանա տեսակի թմրամիջոցներ: Նաև տվյալ կար, որ ավագ եղբայրը մարիխուանան պատրաստում է հորեղբոր որդու տանն ու օժանդակ շինություններում աճեցրած կանեփից:

Սկսվեց տեղեկությունները ստուգելու և ճշտելու հետևողական գործընթաց, որի նպատակը կասկածելիներին հանցափաստով մերկացնելն էր:

Նախաձեռնվեց քրեական վարույթ, որի շրջանակում, դատարանի որոշման հիման վրա, մարտի 14-ին խուզարկություն կատարվեց եղբայրների բնակարանում: Հայտնաբերվեց զիպ փականով 18 փաթեթ` դեղնականաչավուն զանգվածներով, որոնց ընդանուր քաշը ավելի քան 747 գրամ էր:

42-ամյա եղբայրը հայտնեց, որ հայտնաբերվածն իրենն է, փաթեթներն էլ պատրաստել է «Տելեգրամ» հավելվածի միջոցով իրացնելու համար: Նա ձերբակալվել և տեղափոխվել է ոստիկանության Վաղարշապատի բաժին:
Նույն օրը խուզարկություն է կատարվել նաև Մանուշյան փողոցում գտնվող հորեղբոր որդու տանն ու օժանդակ շինություններում: Փաստացի այստեղ էր բնակվում նաև ավագ եղբայրը: Բակում հայտնաբերվել է կանեփի աճեցման համար կահավորված լաբորատորիա, որտեղ կար կանեփի 23 թուփ: 44-ամյա եղբոր մոտ հայտնաբերվել է մարիխուանայի նմանվող զանգված: Խորդանոցում հայտնաբերվել է նաև «Մակարով» տեսակի մարտական ատրճանակ: Ավագ եղբայրը հայտնել է, որ կանեփն ինքն է աճեցրել` «Տելեգրամի» միջոցով իրացնելու համար, իրենն է նաև ատրճանակը, որը բերել էր 44-օրյա պատերազմից հետո:

Ձերբակալվել են նաև ավագ եղբայրն ու հորեղբոր որդին:

Կազմված փաստաթղթերն ուղարկվել են Վաղարշապատի քննչական բաժին: Նախաքննությամբ հանգամանքները պարզվում են:

Այս թեմայով Բացահայտվել է ընդհանուր ավելի քան 13 կգ «Հերոին», «Մեթամֆետամին» և «Մարիխուանա» տեսակի թմրամիջոցների մաքսանենգության դեպք Մեթամֆետամին ու մարիխուանա. Նաիրիի ոստիկանների բացահայտումը Վաղարշապատի ոստիկանները մեթամֆետամին, մարիխուանա և հուշանվեր թղթադրամներ են հայտնաբերել Վաղարշապատի քրեական հետախույզները մարիխուանա և հերոին են հայտնաբերել Ոստիկանների հակաթմրանյութային հերթական միջոցառումը Գեղակերտում. կանեփից պատրաստել է մարիխուանա Երիտասարդի մոտ մարիխուանա և կաթուցիչ կար. Աշտարակի ոստիկանների բացահայտումը Տղամարդը 1 կգ-ից ավելի մարիխուանա է ներկայացրել. քրեական հետախույզների բացահայտումը Մարիխուանա, կաթուցիչ և կեղծ թղթադրամ․ Գեղարքունիքի մարզի պարեկների բացահայտումը Սնունդ բաժանող դատապարտյալի մոտից հայտնաբերվել են մարիխուանա տեսակի թմրանյութին նմանվող զանգվածներ Կառավարության դիմաց կազմակերպված զանգվածային անկարգություններին մասնակցած անձը ձեռք է բերել և իրացրել «Մարիխուանա» տեսակի թմրամիջոց