Տավուշի գյուղերի հանձնումը կլինի ոչ թե պատմության վերջին էջը շրջել, այլ` հայության պատմության գիրքը փակել. Բագրատ Սրբազան

Խոնարհ հարսի նման գլուխներս կախ պիտի թույլ տանք, որ մեր հայրենիքը հանձնվի՞, թե՞ պետք է ընդդիմանանք, կտրենք այդ ձեռքը, որ փորձում է մեր տունը խառնել, նախօրեին Ոսկեպարի Սուրբ Աստվածածին եկեղեցում ժամերգությունից առաջ ասել է Տավուշի թեմի առաջնորդ Բագրատ Սրբազանը:

«Մի քանի օր առաջ հայտարարվեց, որ Տավուշ աշխարհից, այսպես կոչված, 4 գյուղեր, հետո անշուշտ հերքելով, որ գյուղեր չեն դրանք, տարածքներ են, տրվելու են թշնամուն: Դա ոչ միայն թշնամական պահանջ է, այլ նաև, ցավոք սրտի, ՀՀ կառավարության ու նրա ղեկավարի թուլակամության ու, կարող եմ հստակ ասել, հայրենիք չունենալու հոգեբանության արտահայտությունն է»,- ասել է նա:

Սրբազանի խոսքով՝ որևէ մեկն իրավունք չունի հանձնել իր հայրենքի որևէ տարածք:

«Հիմա էլ ասում են՝ ոչ, գյուղեր չենք հանձնում, տարածքներ են դրանք: Ո΄չ քո հոր տարածքներն են, ո΄չ դու սուլթան ես, ո΄չ խան ես, ո΄չ թագավոր ես, ո΄չ էլ գնել ես այդ հողերը, որ հիմա էլ հանձնում ես կամ փորձում ես հանձնել: Գյուղ են, թե գյուղ չեն, որևէ կարևորություն չկա, մեր հայրերի ու եղբայրների արյունն ավելի շատ է այստեղ, այս հողերը, դաշտերը արյունով են անընդհատ ոռոգվել ջրի փոխարեն»,- ընդգծել է Տավուշի թեմի առաջնորդը:

Սրբազանն ասել է` Տավուշի գյուղերի հանձնումը կլինի ոչ թե պատմության վերջին էջը շրջել, այլ` հայության պատմության գիրքը փակել:

«Հուսախաբ անեմ ձեզ, չի՛ լինելու այդպես, ինչ միջոցներ էլ գործադրեք՝ խաբեք, մանիպուլացնեք, ժողովրդին պատերազմով վախեցնեք: Մենք ձեզ հետ պատերազմ չենք կարող գնալ, տեսել ենք ձեր վարած պատերազմը, ՀՀ կառավարություն և նրա գլուխ»,- նշել է Սրբազանը:

Մանրամասն` տեսանյութում:

Այս թեմայով Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» Բագրատ Սրբազանն այցելում է ոստիկանների կողմից ծեծի հետևանքով հիվանդանոց տեղափոխված տավուշցիներին (տեսանյութ) Այսօրվա իշխանություններն արտաքին սպառնալիքներին դիմակայելու իրենց ողջ ռեսուրսը սպառել են․ Արշակ Սրբազան (տեսանյութ) Կիրանցում բախումներից հետո Բագրատ Սրբազանն այցելել է Իջևան ԲԿ-ում գտնվող ոստիկաններին Քիչ հետո մեզ կմիանա Շիրակի թեմի առաջնորդը․ Բագրատ Սրբազան (տեսանյութ) «Գնացեք այս ժողովրդի ոտքերը լվացեք, և ջուրը, էլ չասեմ, ինչ արեք...». Բագրատ Սրբազանը` սև բերետավորներին «Բրավո քեզ, կիրանցի՛, դու չարին հաղթեցիր»․ Բագրատ Սրբազանին հաջողվեց հանդարտեցնել իրավիճակը Ծայրից ծայր խաբեություն է, ուզում են մոլորեցնել մեզ, գնացե՛ք, Շուռնուխը տեսեք, Աղավնոն․ Բագրատ Սրբազան (տեսանյութ) Քաղաքացիները փակել են Գյումրի-Վանաձոր ճանապարհը Քաղաքացիները փակել են Էջմիածին տանող ճանապարհը. ակցիան շարունակվում է