Բաքուն խախտել է Ժնևյան կոնվենցիաները, ռազմագերիներին չպետք է դարձնել հանրային հետաքրքրության առարկա

«Միասին» այլընտրանքային հասարակական-քաղաքական շարժումը պահանջում է ՀՀ կառավարությունից և Միջազգային պատկան ատյաններից բոլոր իրավական և քաղաքական միջոցները ձեռնարկել Բաքվի բանտերում անլուր տառապանքների ենթարկվող հայ ռազմագերիներին հայրենիք վերադարձնելու համար։

«Ադրբեջանում, ըստ հայաստանցի իրավապաշտպանների, այժմ մի քանի տասնյակ հայ է ապօրինի ազատազրկված, նրանց թվում՝ Արցախի Հանրապետության նախկին ղեկավարները, որոնք 30 տարի գլխավորել են Արցախ հայության ազգային-ազատագրական պայքարն ընդդեմ ադրբեջանական ցեղասպանական բռնազավթման։ 2023 թվականի սեպտեմբերի 19 միջազգային հանցագործ Ալիևի վարչախմբի կազմակերպած ցեղասպանական հարձակումից հետո Արցախը լիովին հայաթափվեց, նրանք դարձան Ադրբեջանի հակահայ քաղաքականության զոհը և հերթական թիրախները։ Նրանց ծանր մեղադրանքներ են առաջադրվել՝ ապօրինի զինված կազմավորումների ձևավորումից մինչև ահաբեկչություն։

Դեռ 2021-ի մայիսին Եվրախորհրդարանը ձայների 607 կողմ 27 դեմ հարաբերակցությամբ բանաձև ընդունեց՝ կոչ անելով պաշտոնական Բաքվին առանց նախապայմանների ազատ արձակել Ադրբեջանում պահվող բոլոր հայ ռազմագերիներին։ Երեկ՝ մարտի 19-ին Եվրախորհրդարանում կայացավ «Հայ ռազմագերիներն Ադրբեջանում» խորագրով համաժողովը։ Սակայն ընդունված բանաձևին և հնչած գնահատականներին չեն հետևում գործուն պատժամիջոցներ, և բանաձևերը մնում են բարի կամքի լոկ խոսքային դրսևորում, դրանից առավել անպատիժ դարձած Ալիևը նոր ուժով է շարունակում ազգային-ազատագրական պայքար մղող Արցախի հայության բռնի ոչնչացման իր ծրագիրը, որի հաջորդ փուլը Հայաստանի Հանրապետության տարածքների զավթումն է և տարածշրջանում այն «Արևմտյան Ադրբեջանի» վերածումը։

Մարտի 28-ին ադրբեջանական AzTV-ին եթեր է հեռարձակելու Արցախի Հանրապետության նախկին նախագահ Արայիկ Հարությունյանի և գեներալ Լևոն Մնացականյանի հարցազրույցները, որոնք կոպտորեն խախտում են միջազգային իրավունքի սկզբունքները։ Նրանք ազատազրկման մեջ են և ունեն ռազմագերու կարգավիճակ։ Անթույատրելի է ցեղասպան թշնամու ձեռքում հայտնված մարդկանց հարցազրույցներն օգտագործել իբրև քաղաքական սակարկությունների գործիք՝ ողջ հայ ժողովրդի ահաբեկելու և նսեմացնելու նպատակով։ Սա հիբրիդային պատերազմի գործիք է ընդդեմ մի ողջ ազգի․ անազատության մեջ գտնվող անձանց անթույլատրելի է նսեմացնել, ենթարկել ուղղակի և ապա՝ հոգեբանական կտտանքների․ Բաքուն խախտել է Ժնևյան կոնվենցիաները, որտեղ հստակ նշվում է՝ ռազմագերիներին չպետք է դարձնել հանրային հետաքրքրության առարկա։

«Միասին» այլընտրանքային հասարակական-քաղաքական շարժումը, արտահայտելով հայության հավաքական կամքը, պահանջում է ՀՀ իշխանություններից ձեռնարկել գործնական, վճռական քայլեր՝ մեր պատանդ և գերի դարձած հայրենակիցներին անհապաղ ազատ արձակելու

Հավաստում ենք, որ աննահանջ պայքարելու ենք մեր գերիների վերադարձի իրավունքի համար, թույլ չենք տալու մեր քաղաքացիների նսեմացումն ու այդ գնով Հայաստանից նորանոր տարածքային զիջումների և ինքիշխանության կորուստը»։

Այս թեմայով Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» Բաքուն չորս գյուղերով չի կանգնելու, խաղաղության ստորագրման պահին ՀՀ-ից էլի են պոկելու (տեսանյութ) Չպետք է թույլ տանք, որ պատմությունը կրկնվի․ ԵԽ զեկուցողն իր աջակցությունն է հայտնել աշխարհասփյուռ հայերին Բաքուն համաձայնել Է Հայաստանի և Ադրբեջանի ԱԳ նախարարների հանդիպմանը. Ալիև Ռուբեն Վարդանյանի հացադուլից հետո Բաքուն որպես պատիժ թույլ չի տվել նրան խոսել հարազատների հետ Բաքուն քայքայում է մեր պաշտպանական գիծը, հայկական տարածքները հանձնվում է Ադրբեջանին Ոստիկանները հայտարարում են, թե ՊՆ-ն տեղյակ չի եղել, որ չպետք է ականազերծման աշխատանքներ արվեն Սամվել Վարդանյանի հետ կապված պատմությունը՝ «լակմուսի թուղթ» հանրային տրամադրությունների առումով. «Փաստ» Հանրային գործունեությամբ զբաղվող կանայք առավել շատ են ենթարկվում առցանց հարձակումների. ՄԻՊ Հանրային հեռուստաընկերությունը խուսափել է եկեղեցականներին առիթ ընձեռել` հակադարձելու Եկեղեցուն ուղղված անհիմն մեղադրանքներին