Հայերիս համար Շառլ Ազնավուրը Հայրենիքը սիրելու լավագույն օրինակ է. Արայիկ Հարությունյան

Հանրապետության նախագահի նստավայրում այսօր պաշտոնապես մեկնարկել են Հայաստանի ազգային հերոս, Ֆրանսիայի Պատվո լեգիոնի շքանշանակիր, աշխարհահռչակ շանսոնյե, հասարակական գործիչ Շառլ Ազնավուրի ծննդյան 100-ամյակին նվիրված միջոցառումները:

Միջոցառմանը ելույթ է ունեցել Վարչապետի աշխատակազմի ղեկավար, Շառլ Ազնավուրի ծննդյան 100-ամյակի հոբելյանական հանձնաժողովի նախագահ Արայիկ Հարությունյանը, որում մասնավորապես նշել է.

«Մեծարգո պարոն նախագահ,
Ձերդ Գերազանցություն դեսպաններ,
Ազնավուր ընտանիքի հարգելի ներկայացուցիչներ,
Հարգելի ներկաներ,

Այսօր, Հայաստանի Հանրապետության Նախագահի նստավայրում մեզ համախմբել է մեծանուն Հայը՝ Շառլ Ազնավուրը (նույն ինքը՝ Վաղինակ Ազնավուրյանը), ում ծննդյան 100-ամյա հոբելյանը համոզված եմ նշելու են ոչ միայն իր երկու Հայրենիքներում՝ Ֆրանսիայում և Հայաստանում, այլև ողջ աշխարհում։

Փարիզի Սեն Ժերմեն դե Պրե թաղամասում, հայ գաղթականներ Միշա և Քնար Ազնավուրյանների ընտանիքում ծնված շանսոնի Լեգենդը հավասարապես ու մեծ նվիրումով ծառայում էր իր երկու Հայրենիքներին՝ Ֆրանսիային և Հայաստանին, դառնալով մեր երկու երկրները կամրջող հաստատուն օղակ։ Շառլ Ազնավուրը մշտապես ասում էր. «Ես հարյուր տոկոսով ֆրանսիացի եմ և հարյուր տոկոսով հայ»: Մենք կարող ենք հավելել. Նա նաև հարյուր տոկոսով աշխարհի քաղաքացի էր։

Միայն մեծ անհատականությունները կարող են համարվել աշխարհի քաղաքացիներ, նրանք, ովքեր օժտված են համաշխարհային արժեքներ կերտելու ձիրքով:

Իր պատկառելի վաստակով Ազնավուրը վաղուց ի վեր դասվել է աշխարհահռչակ արվեստագետների շարքին: Պատահական չէ, որ տարբեր տարիներին, «CNN»-ը և «Times»-ը Ազնավուրին հայտարարել են «Դարի արտիստ», Ֆրանսիան հռչակել է «Ֆրանսիական երգի հայր», իսկ ՅՈՒՆԵՍԿՕ-ն՝«Բարի կամքի դեսպան»։

Եթե փորձենք մտովի անցնել մեր Մեծ հայրենակցի անցած ուղին, ապա այն կարող է վերածվել մի հրաշալի ֆիլմի՝ լուսավոր և լի սիրով, մարդասիրությամբ ու տքնաջան աշխատանքով։

Նրա պատկառելի կերպարը, համոզված եմ, օրինակելի է դարձել աշխարհի տարբեր անկյուններում ապրող մարդկանց համար, ովքեր փորձել են նմանվել Ազնավուրի երգերի կամ ֆիլմերի հերոսներին։

Մեզ՝ հայերիս համար, նա նաև Հայրենիքը սիրելու և նվիրումով ծառայելու լավագույն օրինակ է։

Սիրելի բարեկամներ, կարելի է երկար խոսել մեր Մեծ հայրենակցի մասին, ինչը և պատրաստվում ենք առավել հանդիսավորությամբ անել այս ամբողջ տարվա ընթացքում։

Այսօր մենք ազդարարելու ենք հոբելյանական միջոցառումների մեկնարկը, որի շրջանակներում Հայաստանում և նրա սահմաններից դուրս՝ աշխարհի տարբեր երկրներում կայանալու են բազմաթիվ միջոցառումներ՝ համերգներ, կինոցուցադրություններ, ցուցահանդեսներ, որոնք աշխարհին կրկին ներկայացնելու են Շառլ Ազնավուրին։ Այդ միջոցառումները շարունակվելու են մինչև 2025 թվականը։

Հարգելի հյուրեր և սիրելի ներկաներ, ուզում եմ տեղեկացնել, որ հոբելյանական միջոցառումները իրականացվում են Հայաստանի Հանրապետության կառավարության կողմից, Ֆրանսիայի կառավարության և Ազնավուր հիմնադրամի հետ համատեղ։

Եվ այսօր Ազնավուր հիմնադրամը մեզ բոլորիս կներկայացնի հոբելյանական տարվա միջոցառումների ժամանակացույցը։

Բոլորիս մաղթում եմ հաճելի երեկո»:

Այս թեմայով Ոստիկանությունը հրաժարվում է վերադարձնել ցուցարարների մեքենաները. Վարազդատ Հարությունյան Հայտնի բժիշկ Արայիկ Ղարիբյանը լքեց ԵԿՄ շարքերը Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» Մագա Հարությունյանը և Սուրեն Փահլևանյանը պսակադրվել են (լուսանկարներ) Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան Հարցաքննված վկաները ցուցմունք են տվել Ջալալ Հարությունյանի դեմ. «Փաստինֆո» Ադրբեջանցիները տեսանյութ են հրապարակել Ստեփանակերտում Արայիկ Հարությունյանին պատկանող գինու և կոնյակի գործարանից Արայիկ Հարությունյանը հանդիպել է Ֆրանկոֆոնիայի միջազգային կոմիտեի տնօրեն Զեյնա Մինայի հետ Արայիկ Հարությունյանն անդրադարձել է վարչապետ Նիկոլ Փաշինյանի` ապրիլի 5-ի բրյուսելյան այցին