Փաշինյանն ու ՔՊ-ն ավելացրել են ծայրահեղ աղքատների և գործազուրկների թիվը

Գաղտնիք չէ, որ հեղափոխության ժամանակ հնչած խոստումներից մեկը վերաբերվում էր ծայրահեղ աղքատության և գործազրկության հաղթահարմանը: Նիկոլ Փաշինյանը և նրա թիմակիցները հեղափոխական ամբիոններից մարդկանց ավելի լավ և ապահով ապագա էին խոստանում, սակայն տարիներ անց վիճակագրությունից պարզ է դառնում, որ այս հարցում էլ նրանք անկեղծ չեն եղել՝ խաբելով հանրությանը:

Այսպես՝ մինչ Նիկոլ Փաշինյանն ամեն ամիս հազարավոր աշխատատեղերի ստեղծման մասին է խոսում, պաշտոնական վիճակագրության համաձայն՝ նախորդ տարի գործազուրկների քանակը Հայաստանում հազարներով ավելացել է։ Հազարներով կրճատվել է նաև զբաղվածների քանակը։ Այս պահին հայտնի են 2023-ի առաջին եռամսյակի տվյալները, որոնք վկայում են, որ 2022-ի տարեվերջի համեմատ՝ գործազրկությունը 8,3 տոկոսային կետով աճել է։ 2022-ի վերջին եռամսյակում Հայաստանում գործազուրկ է եղել 165,8 հազար մարդ, 2023-ի առաջին եռամսյակում՝ 179,6 հազար։

Իսկ այժմ այն, ինչ վերաբերվում է աղքատության հաղթահարմանը: «Հայաստանը պետք է ջնջի իր երեսին դաջված ամենաամոթալի խարանը՝ շուրջ 30 տոկոսանոց աղքատությունը, որը երկար տարիներ մեր ժողովրդին զրկում է ապագայից ու հայրենիքից»: Այս խոսքերի հեղինակը ՀՀ վարչապետ Նիկոլ Փաշինյանն է 2018 թվականի մայիսի 1-ին: Իսկ նույն թվականի նախընտըրական քարոզարշավի ժամանակ ասում էր, որ ամոթ է ունենալ ծայրահեղ աղքատություն, հետո էլ խոստանում 5 տարվա մեջ կրճատել ծայրահեղ աղքատությունը, իսկ աղքատությունն էլ իջեցնել տասը տոկոսային կետով:

Ըստ Վիճակագրական կոմիտեի տվյալների՝ աղքատության մակարդակը 2021 թ․–ին Հայաստանում կազմել էր 26.5 %: Սա նշանակում է, որ ամեն 3–րդ մարդն աղքատ էր Հայաստանում։ 2020 թ.-ին այս ցուցանիշը կազմել էր 27 %, որը 0.6 %–ով գերազանցում էր 2019 թ․–ի տվյալները։ Ավելին՝ ծայրահեղ աղքատության մակարդակը 2021 թ․–ին կազմել է 1.5 տոկոս, որը 2.1 անգամ ավելի էր 2020 թ․-ին արձանագրված ցուցանիշից՝ 0.7 տոկոս: Ծայրահեղ աղքատությունը 2022թ․ կազմում է 1․2 տոկոս, 2023-ին աղքատության մակարդակը թերևս այնքան խայտառակ է, որ դեռ չեն էլ հրապարակել:

Ինչպես տեսնում ենք՝ Փաշինյանը ոչ միայն չի հաղթահարել աղքատությունն ու գործազրկությունը, այլև խորացրել է դրանց մակարդակը:

Այս թեմայով Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Նիկոլ Փաշինյանին քրեական պատասխանատվության ենթարկելու պահանջով հաղորդում ներկայացվեց ՀՀ գլխավոր դատախազություն «Բռնություն մի գործադրեք», «Թուրք եք», «Նիկոլ, դավաճան». Տավուշում լարված վիճակ է ու քաշքշուկ