Ֆրանսիայի կեղծ երաշխիքները․ ինչպես Մակրոնը «փրկեց» արցախցիներին. Le Figaro

Ֆրանսիական հեղինակավոր Le Figaro-ն ծավալուն անդրադարձ է կատարել Արցախի հարցում նախագահ Էմանուել Մակրոնի տված խոստումներին, նախաձեռնություններին և նրան, թե ինչպես ի վերջո Ֆրանսիայի նախագահը հետ կանգնեց Արցախի ժողովրդին օգնելու իր պատրաստակամությունից:

Դիցուք՝ հոդվածագիրը նշում է, որ 2023 թվականի հունվարին մի շարք հայամետ ակտիվիստներ, այդ թվում՝ ֆուտբոլիստ Յուրի Ջորկաեֆը և ֆրանսիացի գրող Սիլվեն Տեսոնը, հանդիպել են Մակրոնի հետ և այդ հանդիպման ընթացքում մտքեր են փոխանակվել Արցախի ադրբեջանական շրջափակումը ճեղքելու վերաբերյալ։ Ուշագրավ է, որ ըստ հոդվածագրի՝ Մակրոնը հանդես է եկել ի աջակցություն այդ բոլոր առաջ քաշված գաղափարների: Առաջարկվում էր նախագահական այց կատարել Լաչինի շրջան, ինչպես Միտերանը Սարաևոյում արեց, որպեսզի հրապարակայնորեն և տեղական մակարդակով հայտարարեն ներկա իրավիճակի անընդունելիության մասին: Կազմակերպել մարդասիրական համաժողով՝ օգնելու արցախցի հայերին, ովքեր զրկված են սննդից և դեղորայքից։ Ավելի ուշ նախագահ Մակրոնը խանդավառությամբ արձագանքում է Ֆրանսիայի հայկական կազմակերպությունների խորհրդի (CCAF) համանախագահ Ֆրանկ Փափազյանի առաջարկին՝ մարդասիրական շարասյունը Արցախ առաջնորդելու վերաբերյալ։ Սակայն, ինչպես գիտենք, վերը նշված առաջարկներից և ոչ մեկն էլ իրականություն չդարձավ: Դատելով հոդվածից՝ պատճառը եվրոպական երկրների միջև կոնսենսուսի բացակայությունն էր՝ պայմանավորված ադրբեջանական գազից նրանց կախվածությամբ:

Գաղտնիք չէ, որ Եվրամիությունը շարունակում է համագործակցել Ադրբեջանի հետ գազի մատակարարման հարցում և ակնկալում է, որ մինչև 2027 թվականը մատակարարման ծավալներն անցյալ տարվա 11,3 միլիարդ խորանարդ մետրից  կավելանան մինչև 20 միլիարդ: Ադրբեջանից գազի արտահանման ընդհանուր ծավալում Եվրոպային բաժին է ընկել 7,6 մլրդ խմ կամ բոլոր մատակարարումների 48%-ը։ Եվ հենց սա է պատճառը, որ նախորդ տարվա սեպտեմբերին Արցախին օգնել պատրաստվող Մակրոնը ոչ միայն չկատարեց իր խոստումները, այլ մի բան էլ հայտարարում է, որ Արցախում հայերի էթնիկ զտման համար Ադրբեջանի դեմ պատժամիջոցների կիրառումն անարդյունավետ է:

Այսօր Ֆրանսիան հանդիսանում է Հայաստանը ՌԴ-ից պոկելու և արևմտյան ճամբար «բերման ենթարկելու» առաջամարտիկներից մեկը՝ անգամ չտալով որևէ անվտանգության երաշխիք Ադրբեջանի նոր ագրեսիայի դեպքում: Այս հոդվածը և այն իրողությունները, որոնց վրա ֆրանսիացի լրագրողները լույս են սփռել, հուշում են, որ ինչպես անվախ Մակրոնը «փրկեց» Արցախը, այնպես էլ «փրկելու» է Հայաստանը։

Այս թեմայով Ֆրանսիան այսօր ոգեկոչում է 1915 թվականի Հայոց ցեղասպանության 109-րդ տարելիցը․ Մակրոն Մակրոնը հայտնել է Կիև այցելելու իր ծրագրերի մասին Մակրոնը կոչ է արել ուժեղացնել ճնշումը Թեհրանի վրա Ռուսաստանից հրադադար կխնդրենք. Մակրոն Մեդվեդևը Մակրոնին անվանել է «Կրոկուսում» տեղի ունեցած ահաբեկչության «հովանավոր» Մակրոնն «օգտակար տեղեկություն» ունի Մոսկվայի համար Մակրոնը Ռուսաստանին կասկածում է Օլիմպիական խաղերը տապալելու մտադրության մեջ Մակրոնը հանդիպել է Բրազիլիայի նախագահի հետ (տեսանյութ) Մոսկվայում այդ ամենի հետևում կանգնած խմբավորումը փորձել է մի քանի գործողություններ կատարել նաև Ֆրանսիայում. Մակրոն ՌԴ ԱԳՆ-ն արձագանքել է Մակրոնի հայտարարությանը