Տավուշի 4 գյուղերի մոտով անցնող մայրուղային գազատարի վերատեղադրման վերաբերյալ հարցը չի քննարկվել. «Փաստինֆո»

ՀՀ կառավարությունը «Գազպրոմ Արմենիա» ՓԲԸ-ի հետ չի քննարկել Տավուշի մարզով անցնող մայրուղային գազատարի վերատեղադրման վերաբերյալ հարց։ Այս մասին ի պատասխան «Փաստինֆոյի» հարցման հայտնել է «Գազպրոմ Արմենիա» ընկերության գլխավոր տնօրենի տեղակալ, գլխավոր ճարտարագետ Արտաշես Գաբրիելյանը։

«Փաստինֆո»-ն գրավոր հարցում էր ուղարկել «Գազպրոմ Արմենիա» ընկերությանը՝ խնդրելով տեղեկացնել, թե արդյոք քննարկվում է գազատարի տեղափոխման հարցը, քանի կիլոմետրանոց նոր գազատար պետք է կառուցվի, որքա՞ն ժամանակ կպահանջվի դրի համար, որքա՞ն կարժենա նոր ճանապարհով նոր գազատարի շինարարությունը։ Ընկերությունն այսօր հնարավոր համարո՞ւմ է ներդրումային նման ծրագրի իրականացումը, թե ակնկալում են նաև պետության կողմից ֆինանսական աջակցություն։

Ի պատասխան գլխավոր տնօրենի տեղակալ Ա. Գաբրիելյանը տեղեկացրել է, որ նման հարց չի քննարկվում։

«Ի պատասխան Ձեր գրավոր հարցման, հայտնում ենք, որ Ձեր կողմից բարձրաձայնված թվով 4 գյուղերի հարող տարածքներում առկա մայրուղային գազատարի վերատեղադրման վերաբերյալ հարց «Գազպրոմ Արմենիա» ՓԲԸ-ն չի քննարկել»,- հայտնել է Ա. Գաբրիելյանն ու ավելացրել. «Նոր մայրուղային գազատարների կառուցման անհրաժեշտության դեպքում վերջիններիս համար պահանջվող աշխատանքների ծավալը հնարավոր է որոշել ելակետային տվյալների հավաքագրման արդյունքներով, իսկ պահանջվող գումարի չափը և աշխատանքների կատարման տևողությունը հնարավոր է որոշել նախագծա-նախահաշվային փաստաթղթերի մշակման արդյունքներով»։

Մանրամասները՝ սկզբնաղբյուր կայքում։

Այս թեմայով «Գազպրոմ Արմենիայից» ոչ ոք գոհ չէ, սպասարկում չի արվում, դեպքեր են եղել` մարդիկ են մահացել Համացանցում «Գազպրոմ Արմենիա»-ի անունից կեղծիք է տարածվում Վնասվել է ստորգետնյա միջին ճնշման գազատար. «Գազպրոմ Արմենիա»-ն հայտարարություն է տարածել «Գազպրոմ-Արմենիան» նախատեսում է 2024-2028 թ․թ․ Հայաստանում շուրջ 150 միլիարդ դրամի ներդրում կատարել «Գազպրոմ Արմենիա» ՓԲԸ-ի մոտակայքում ավտոմեքենան բախվել է արտաքին լուսավորման սյանը․ կան տուժածներ Վնասվել է ստորգետնյա գազատարը, դադարեցվել է Աջափնյակի գազամատակարարումը․ «Գազպրոմ Արմենիա» «Գազպրոմ Արմենիա»-ն նոր գլխավոր տնօրեն ունի Ապօրինաբար ապամոնտաժվել են գազատար խողովակներ, որոշ հասցեներ գազազրկվել են․ «Գազպրոմ Արմենիա» Մահացել է «Գազպրոմ Արմենիա» ՓԲԸ-ի գլխավոր տնօրեն Հրանտ Թադևոսյանը Հերթական կեղծ տեղեկությունն է տարածվել․ «Գազպրոմ Արմենիա»