Ասիական զարգացման բանկը ներկայացրել է 2023-ի ընթացքում Հայաստանում իր ունեցած ձեռքբերումները

Ասիական զարգացման բանկը (ԱԶԲ) ներկայացրել է 2023 թվականի ընթացքում Հայաստանում իր ունեցած ձեռքբերումները:

Բանկի տարածած հաղորդագրության մեջ ասվում է. «Ասիական զարգացման բանկը (ԱԶԲ) Հայաստանի հետ համագործակցում է 2005 թվականից և շարունակում է հանդիսանալ երկրի խոշորագույն բազմակողմ զարգացման գործընկերներից մեկը։ 2023 թվականին ԱԶԲ-ն շարունակել է Հայաստանում իրականացնել խոշոր ծրագրեր և նախագծեր՝ միտված ենթակառուցվածքների զարգացմանը և տեխնիկական աջակցության նախաձեռնությունների կյանքի կոչմանը՝ ներառելով ինչպես ընթացիկ, այնպես էլ նոր նախաձեռնություններ:

Հիմնական ձեռքբերումները ներառում են «Մ6 Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի» կյանքի կոչմանը, Երևանի քաղաքային կենսական նշանակության ճանապարհային ենթակառուցվածքի կառուցմանը նախագիծը ավարտելուն՝ Քաղաքային կայուն զարգացման ներդրումային ծրագրի (SUDIP) շրջանակներում, որը ներառում էր 23 կմ քաղաքային ճանապարհային կապի կառուցում և քաղաքային երթուղիներ՝ ճանապարհային անվտանգության բարձրացման համար: 2023 թվականի ընթացքում Սեյսմիկ անվտանգության բարելավման ծրագրի (SSIP) շրջանակներում ավարտվել է ինը 

դպրոցի շինարարություն, ընթացքի մեջ է տասը դպրոցների նախագծումը և քսան դպրոցի շինարարություն, որոնք ամբողջովին համապատասխանեցվում են սեյսմիկ անվտանգության միջազգային նորմերին:

Ս․թ․ նոյեմբեր ամսին ԱԶԲ-ն 65.17 մլն ԱՄՆ դոլարի վարկ է տրամադրել ՀՀ Կառավարությանը՝ նպատակաուղղված բարելավելու քաղաքային միջավայրը, ճանապարհային ցանցը և խթանել կլիմայի նկատմամբ կայուն ենթակառուցվածքների զարգացմանը մայրաքաղաք Երևանում: Ծրագիրը համահունչ է Փարիզի համաձայնագրի նպատակներին և 40%-ով կբարձրացնի գետերի անցման կարողությունները և ավելի քան 2 կմ-ով կնվազեցնի Իսակովի և Արշակունյաց պողոտաների հիմնական ճանապարհների միջև ճանապարհորդությունը՝ խնայելով ուղևորներին 12 րոպե ժամանակ:

2023 թվականի ընթացքում ԱԶԲ-ն հաստատել է նաև 66,1 միլիոն եվրոյի (72,3 միլիոն ԱՄՆ դոլարին համարժեք) վարկ՝ որպես լրացուցիչ ֆինանսավորում՝ աջակցելու Հայաստանի կառավարությանը սեյսմակայուն դպրոցների կառուցման և սեյսմիկ աղետների ռիսկի կառավարման կարողությունների հզորացման գործում:

Նապխորդ տարի ԱԶԲ-ի և Արդարադատության նախարարության համատեղ ջանքերով Հայաստանում մեկնարկեց «Միջազգային 

արբիտրաժային ֆորումը»-ի անդրանիկ նիստը։

Կանանց միջազգային օրվա շրջանակում ԱԶԲ-ն և ՀՀ կառավարությունը կազմակերպել են «Աղետների ռիսկի կառավարում» համաժողով՝ «Բոլորի համար և բոլորի կողմից» խորագրով, որտեղ մասնակիցները կիսվել են գենդերային ինտեգրման փորձով և քննարկել ապագա ծրագրերը:

Տարվա ընթացքում տեղի են ունեցել բարձր մակարդակի այցեր և հանդիպումներ ԱԶԲ-ի և Հայաստանի կառավարության պատվիրակությունների միջև, այդ թվում՝ ՀՀ Նախագահի, վարչապետի, փոխվարչապետների, ֆինանսների նախարարի և այլ գործընկեր նախարարների հետ: Հանդիպումների նպատակն էր ընդլայնել համագործակցությունը, գնահատել ընթացիկ ծրագրերի արդյունավետությունը և աջակցել ՀՀ-ում իրականացվող բարեփոխումներին։ ԱԶԲ նախագահ Մասացուգու Ասակավայի այցը Հայաստան միտված էր վերահաստատել բանկի հավատարմությունը՝ հօգուտ Հայաստանի զարգացման օրակարգի»:

По теме В сектора Газа более 34,5 тыс. палестинцев погибли с октября 2023 года По наркотикам: В Армении в 2023 году зарегистрировано 5070 преступлений Глава ведомства: Генпрокуратуре Армении в 2023 году удалось вернуть государству 173 млн. 385 тыс. драмов В 2020-2023 годах правительство Армении выделило Нагорному Карабаху 1,3 млрд долларов: Пашинян Минздрав: В Армении в 2023 году увеличилось количество труднодоступных медицинских услуг по госзаказу Премьер-министру представлен отчет о деятельности Военно-промышленного комитета за 2023 год Ucom в 2023 году показал высокий уровень роста в сфере фиксированной и мобильной связи Адам Сэндлер стал самым высокооплачиваемым актером в 2023 году: Forbes Празднуем успехи АМИО БАНКА и Инго Армении в 2023 году ЕС в 2023 году зарегистрировал рекордное за семь лет число заявлений на получение убежища