Մեր առաջ, հավանաբար, ոչ միայն մակետ է, այլև՝ անավարտ դիզայնի մակետ. Արեգ Դանագուլյան

Մասաչուսեթսի տեխնոլոգիական ինստիտուտի (MIT) պրոֆեսոր Արեգ Դանագուլյանը «Ֆեյսբուքի» էջում գրել է.

«Պատկերացրեք որ դուք մտնում եք էլեկտրոնիկայի խանութ:  Եվ այնտեղ տեսնում եք պսպղուն մի հեռախոս:  Հետաքրքրվում եք` դա իսկակա՞ն հեռախոս է թե մակետ է ուղղակի:  Վաճառողը երդվում է որ իսկական, աշխատող հեռախոս է:  Դուք հետաքրքրվում եք, կարելի է՞ մի հատ վերցնել, նայել թե ինչպես է աշխատում:  Վաճառողը ասում է` ոչ, չենք կարող թողնել որ նայեք:  Դուք հարցնում եք` ինչու՞:  Որովհետև իր պարունակությունը կոմերցիոն գաղտնիք է, ասում է նա:  Ասում եք, լավ, կլինի՞ գոնե մի հատ հորս զանգեմ որ համոզվեմ որ իսկական է, որ կեղծ չէ:  Ոչ, պնդում է վաճառողը, չի կարելի: Գաղտնիք է:

Հիմա դուք այս իրավիճակում կգնեի՞ք այդ հեռախոսը:

Վերջերս էլի ՖԲով տարածվում են նկարներ որտեղ պատկերված են հայկական արտադրության տարատեսակ իբր աշխատող ԱԹՍներ, զինատեսակներ, և այլն:  Հատկապես աչքի է ընկնում Դավարո ընկերության ԱԹՍը:  Երբ հարցնում ես, արդյո՞ք իրական են թե մակետ, բոլորը քեզ համոզում են որ իրական է:  Ասում ես` լավ, բա ինչու՞ չկա գոնե ՄԵԿ վիդեո որտեղ կարելի է տեսնել թե ինչպես է սավառնում ԱԹՍը:  Էլ չեմ ասում` որտեղ երևում է թե ինչպես է այն մարտական պայմաններին մոտիկացված պայմաններում խոցում պայմանական թիրախը: Չէ:  Ուղղակի որ երևա որ սա բուտաֆորիա չէ, այլ գոնե թռնում է, կարող է գետնից պոկվել:  

Սրան պատասխանում են` աաաա, սա պետական գաղտնիք ա, յաա:

Իսկապե՞ս:  Այսինքն ԱԹՍը դնել հասարակական վայրում, որ բոլորը գան մեծ լուծողականությամբ նկարահանեն դա պռոբլեմ չէ, իսկ օդում իր աշխատանքը «գաղտնիք է»:

Երբ որ այսպիսի արդարացումներ եք լսում, երբ չափից ավել հաճախ եք լսում «գաղտնի է, չենք կարա» արդարացումը, ապա ձեր գլխում պետք է միանան bullshit-ի տագնապի շչակները:  

Չեմ ասում որ հաստատ ձեզ խաբում են:  Բայց 80% կարող եք վստահ լինել որ խաբում են:  Ներքևը դրել եմ Դավարոյի ԱԹՍի պատկերը, որտեղ երևում է որ հետևի երկու շասիների անիվները իրար են ամրացված պանելով:  Այսինքն  չեն կարող պահել ԱԹՍի ծանրությունը :  Ինչից գալիս ենք այն եզրակացությանը որ մեր առաջ հավանաբար ոչ միայն մակետ է, այլև անավարտ դիզայնի մակետ:  

Ցանկացած զինատեսակ, նախքան դրա գովազդումը, պետք է անցնի խստապահանջ թեսթավորմամբ:  Առանց դրա հանրությանը ներկայացնել այն որպես «աշխատող զենք» դա մոլորեցնող է և անազնիվ: 

Գուցե ես սխալվում եմ:  Բայց հազար ու մի «կռունկներից», «բազեներից», ու փայտփորիկներից հետո մեր գործը դա կասկածամիտ լինելն է: 

հ.գ. թեսթավորման մասին գրել եմ ` մի -քանի տարի առաջ:   Դնում եմ առաջին մեկնաբանության մեջ, կարդացեք»: 

Այս թեմայով Մի մոռացեք՝ Հայ եկեղեցուն թուլացնելը տենչում է միայն մեր թշնամին․ Դանիելյան ՀԻՄԱ․ Երևան-Դիլիջան մայրուղին մեկ ժամով փակ է (տեսանյութ) Կիրանցիները թույլ չեն տվել սակրավորներին առաջ գնալ Ոչ ոք չպատժվեց 6 տարի առաջ զորամասը լքած ու իշխանափոխության ջատագով ցուցարարներին միացած զորախմբից, իսկ հիմա՞... Ալիևը լուրջ մարդ է, իր երկրի շահերն է առաջ տանում, նա Բաքվից կորոշի՝ հայը տաք ջուր ունենա, թե՞ ոչ Ո՞նց թե՝ «պետք ա ուրախ լինենք՝ 50 մետրի վրա Ադրբեջանն ա», ամիսներ առաջ էթնիկ զտում էին անում. Լևոն Քոչարյան (տեսանյութ) Էս ի՞նչ նոր փորձության առաջ եք կանգնեցնում ժողովրդին, ի՞նչ հատվածական սահմանազատում. Ռուստամյան (տեսանյութ) Իշխանության ներկայացուցիչները արդեն իսկ անթաքույց սկսել են առաջ մղել թուրքական ժխտողական մոտեցումները. ՀՅԴ Բյուրո Եթե պետք ա մեռնենք, թող մեռնենք, միայն պատերազմն ա ելքը, հայ ժողովուրդը պատերազմից չի վախենում (տեսանյութ) Միայն «դրսինները». «Փաստ»