Ֆրանսիայի, Եգիպտոսի և Հորդանանի ղեկավարներն Իսրայելին նախազգուշացրել են Ռաֆահում ռազմական գործողություն չանցկացնել

Եգիպտոսի, Հորդանանի և Ֆրանսիայի ղեկավարները նախազգուշացրել են Գազայի հատվածի հարավում գտնվող Ռաֆահ քաղաքում Իսրայելի ծրագրած ռազմական գործողության լուրջ հետևանքների մասին։

Եգիպտոսի նախագահ Աբդել Ֆաթթահ աս Սիսիի, Հորդանանի թագավոր Աբդալլահ Երկրորդի և Ֆրանսիայի ղեկավար Էմանուել Մակրոնի համատեղ հայտարարության մեջ նշվում է, որ այդ քայլն սպառնում է տարածաշրջանային իրավիճակի սրմամբ։

«Մենք նախազգուշացնում ենք Իսրայելի՝ Ռաֆահ ներխուժման վտանգավոր հետևանքների մասին․ այնտեղ ավելի քան 1,5 միլիոն պաղեստինցի խաղաղ բնակիչներ են ապաստան գտել: Նման հարձակումը միայն կհանգեցնի շատ ավելի մահերի և տառապանքների, կմեծացնի Գազայի հատվածի բնակչության զանգվածային բռնի տեղահանման ռիսկերն ու հետևանքները, ինչպես նաև սպառնում է տարածաշրջանային էսկալացմամբ», - ասված է հայտարարության մեջ։

Աս Սիսին, Աբդալլահ Երկրորդը և Մակրոնը մտահոգություն են հայտնել Գազայի հատվածի բնակչությանը պատուհասած սովի առնչությամբ, ընդգծել են անհապաղ ​​հրադադարի հասնելու և անկլավին մատակարարվող հումանիտար օգնությունը մեծացնելու հրատապ անհրաժեշտությունը:

Ապրիլի 8-ին Իսրայելի վարչապետ Բենիամին Նեթանյահուն հայտարարել էր, որ չի հրաժարվում Ռաֆահում ռազմական գործողություն իրականացնելու իր ծրագրերից, սակայն չէր նշել ներխուժման կոնկրետ ժամկետները:

Հոկտեմբերի 7-ին պաղեստինյան ՀԱՄԱՍ արմատական շարժման զինյալների հարձակումից հետո Իսրայելում 1200 մարդ է զոհվել, շուրջ 250 մարդ՝ գերեվարվել։ Իսրայելի պատասխան ռազմական գործողությունների ընթացքում Գազայի հատվածում զոհերի թիվն, ըստ տեղի իշխանությունների, հասել է 33 207-ի։

Այս թեմայով Քննարկվել են ՀՀ-Իտալիա ռազմական համագործակցության հարցեր Մինսկն այսուհետ ռազմական օգնություն կցուցաբերի ՀԱՊԿ երկրներին. Բելառուսը նոր դոկտրին է հաստատել Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Տպավորված եմ մարզի բնությամբ․ Ֆրանսիայի դեսպանը Տավուշում է ԱՄՆ Կոնգրեսի Ներկայացուցիչների պալատը հավանություն է տվել Ուկրաինային ռազմական և ֆինանսական օգնության ծախսերի վերաբերյալ Մահացել է «Իզվեստիայի» ռազմական թղթակիցը ԱՄՆ Ուկրաինային 61 մլրդ դոլարի ռազմական օգնություն կտրամադրի Իրանը «անհապաղ պատասխան չի տալու» Իսրայելին. Reuters Ռուսաստանում ռազմական ինքնաթիռ է կործանվել. անձնակազմի անդամներից մեկը կորել է (լուսանկարներ, տեսանյութ) Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը