Թայլանդի ջրհեղեղի պատճառով Toyota-ն կրճատում է արտադրությունը, իսկ Հայաստանում բարձրանում են համակարգիչների գները

Ճապոնական ավտոարտադրության հսկա Toyota ընկերությունը հաղորդել է, որ կրճատում է իր արտադրությունը Թայլանդում տեղի ունեցած ջրհեղեղի հետևանքով առաջացած ավտոմեքենաների դետալների պակասի պատճառով:

Կրճատումներ լինելու են Ճապոնիայում, ԱՄՆ-ում, Կանադայում, ՀԱՀ-ում, Ինդոնեզիայում, Ֆիլիպիններում, Վիետնամում, Պակիստանում և Մալազիայում գտնվող Toyota-ի գործարաններում:

Նշենք, որ Թայլանդում տեղի ունեցած ջրհեղեղի պատճառով տուժել են նաև Honda, Nissan և Mitsubishi ընկերությունները:

Ի դեպ, ջրհեղեղն ազդել է ոչ միայն ավտոարտադրության, այլև արդյունաբերության մյուս ճյուղերի վրա: ԼՈՒՐԵՐ.com-ի տվյալներով Հայաստանում բարձրացել են համակարգիչների գները, քանի որ համակարգիչների արտադրության մեջ օգտագործվող որոշ դետալների գները բարձրացել են մոտ երեք անգամ: