Հայաստանի պետական պարտքը 5 միլիարդի շեմն անցել է
Տնտեսություն
Այսօր Ազգային ժողովում մեկնարկեց 2015 թվականի ՀՀ պետական բյուջեի կատարողականի քննարկումները։
ԼՈւՐԵՐ.com-ի տեղեկացմամբ՝ հիմնական զեկուցողը ՀՀ ֆինանսների նախարարի տեղակալ, գլխավոր գանձապետ Ատոմ Ջանջուղազյանը տեղեկացրեց, որ մեր երկրի պետական պարտքը 2015թ. վերջին կազմել է 5 միլիարդ 79 միլիոն ԱՄՆ դոլար:
«Կառավարության պարտավորություններն են 4 միլիարդ 602 միլիոն դոլարը կամ 2 տրիլիոն 226 միլիարդ դրամը: Ընդհանուր պետական պարտքից արտաքին պետական պարտքը կազմել է 4 միլիարդ 317 միլիարդ ԱՄՆ դոլար, իսկ ներքինը՝ 761 միլիոն դոլար»,-նշեց Ջանջուղազյանը:
Ջանջուղազյանը հավելեց, որ բյուջեում նախատեսված բոլոր ծրագրերն ամբողջությամբ կատարված են:
Հայաստանը արտաքին պարտքի նվազ բեռ ունեցող երկրների ցանկում է: «Արտաքին պարտքի նվազ բեռ ունեցող են համարվում այն երկրները, որոնց ՀՆԱ-ում արտաքին պարտքի չափը չի հասել 48 տոկոսի, իսկ Հայաստանի մոտ այդ ցուցանիշը 34 տոկոս է»,- մանրամասնեց Ջանջուղազյանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
