Հայաստանում ճանապարահարկը թանկ է․ իրանական մեքենա այստեղ չի գա․ «168 ժամ»

«168 Ժամ» թերթը գրում է․

«Հայաստանի տարածքով իրանական մեքենան անցնելուց 300 դոլարից ավելի ճանապարհահարկ Է վճարում, վերադառնալիս նույնպես։ Բայց հարց Է ծագում ինչո՞ւ, ի՞նչ ենք մենք իրենց տալիս, հոյակապ ճանապարհնե՞ր, լավ սպասարկող ենթակառուցվածքնե՞ր։ Այդ ամենը չկա, և մենք այնպիսի ճանապարհահարկ ենք սահմանել, որ գրավիչ չենք։

Ադրբեջանն անմիջապես հասկացավ նոր իրողություններն ու հանեց այդ հարկը։ Վրաստանում մի ուղղության համար ընդամենը 80 դոլար Է։ Էլ ո՞նց մրցակցենք։ Եվ մենք հիմա, ելնելով այս բոլոր հանգամանքներից միայն սեփական ու ռուսական մեքենաների վրա ենք հաշվարկ անում։ Իրանական մեքենաները պարզապես չեն գալու Հայաստան։ Եթե այստեղ իրանական մեքենա եք տեսնում, դա պարզապես ՀՀ բեռ բերելու համար Է։

Տարանցիկ անցնելու համար նրանք չեն գալիս, շատ թանկ Է»,– թերթի թղթակցին ասել է Միջազգային բեռնափոխադրումներով զբաղվող «Ապավեն» ընկերության հիմնադիր տնօրեն Գագիկ Աղաջանյանը խոսելով Հայաստանի տարածքով դեպի Ռուսաստան իրանական փոխադրումների համար առկա խոչընդոտների մասին»։

Առավել մանրամասն՝ թերթի այսօրվա համարում։