Գեղարքունիքի մարզպետարանում քննարկվեց մարզի սոցիալ-տնտեսական զարգացման ծրագիրը կազմելու նոր ռազմավարությունը

Գեղարքունիքի մարզպետարանում ՀՀ Տարածքային կառավարման նախարարության եւ Գեղարքունիքի մարզպետարանի պատասխանատուների կողմից քննարկվեցին Գեղարքունիքի մարզի սոցիալ-տնտեսական զարգացման 2016-2019 թվականների ծրագրի նախագծի հիման վրա 2017-2020 թվականների լրամշակված տարբերակի կազմման առանձնահատկությունները եւ մոտեցումները: «Արմենպրես»-ի տեղեկացմամբ՝ քննարկումը վարում էին ՀՀ Տարածքային կառավարման եւ զարգացման նախարարի տեղակալ Արթուր Խաչատրյանը եւ Գեղարքունիքի մարզպետարանի աշխատակազմի ղեկավարի տեղակալ Ալբերտ Աղեկյանը:

Հանդիպման ընթացքում Գեղարքունիքի մարզի զարգացման ծրագրի ոլորտային աշխատանքային խմբերի անդամները նոր կազմվող ծրագրի վերաբերյալ արտահայտեցին իրենց կարծիքներն ու մտահոգությունները, հանդես եկան տարբեր առաջարկություններով եւ նկատառումներով: ՀՀ Տարածքային կառավարման եւ զարգացման նախարարության ներկայացուցիչները, խորհրդատվական նպատակով, առանձին հանդիպում ունեցան Գեղարքունիքի մարզպետարանի ոլորտային աշխատանքային խմբերի ղեկավարների հետ: «Մարզի զարգացման ծրագրի կազմման ընթացքում ո լորտային աշխատանքային խմբերը պետք է համագործակցված աշխատեն տվյալ ոլորտի շահագրգիռ բոլոր կառույցների ներկայացուցիչների հետ, համատեղ քննարկումների արդյունքում ճիշտ սահմանեն տվյալ ոլորտի բոլոր այն առաջնահերթությունները, որոնք նաեւ համահունչ կլինեն նոր մշակված ռազմավարությանը:

Նոր ծրագիրը պետք է արտացոլի մարզի ներուժը եւ հնարավորությունները: Այդ իսկ պատճառով, անկախ նոր կազմվող փաստաթղթի ծավալից, այն պետք է լինի խիստ իրագործելի մարզում եւ արդյունավետ՝ յուրաքանչյուր ոլորտի զարգացմ ան համար, միաժամանակ՝ մարզի բնակչության ընդհանուր կարծիք արտահայտող փաստաթուղթ, որի իրականացման արդյունքում մարզում հնարավոր լինի ապահովել աշխատանք, արդյունք եւ եկամուտե,-իր խոսքում նշեց ՀՀ Տարածքային կառավարման եւ զարգացման նախարարի տեղակալ Արթուր Խաչատրյանը:

Խոսրով Խլղաթյան