Հայաստանում դոլարն ու եվրոն արժևորվել են

Հայաստանի ազգային արժույթի նկատմամբ ԱՄՆ դոլարի միջին փոխարժեքը օգոստոսի 10-ին կազմել է 476.25 դրամ: Այն նախորդ օրվա համեմատ աճել է 0.06 դրամով: Այս մասին տեղեկացրին ՀՀ կենտրոնական բանկի հասարակայնության հետ կապերի ծառայությունից:

Եվրոյի փոխարժեքը կազմել է 532.02 դրամ՝ աճելով 4.02 դրամով, բրիտանական ֆունտի փոխարժեքը 621.74 դրամ է, նախորդ օրվա համեմատ աճել է 3.74 դրամով: Ռուսական ռուբլու փոխարժեքը օգոստոսի 10-ին կազմել է 7.35 դրամ' անկումը 0.02 դրամ է: Թանկարժեք մետաղների համար բանկի կողմից սահմանվել են հետևյալ գները' արծաթ' 301.64 դրամ, ոսկի՝ 20,533.11 դրամ, պլատին' 17,501.38 դրամ։