5000 դրամանոց գույքի ներմուծման համար քաղաքացիները ստիպված են 6000 դրամ մաքսավճար կատարել. նախարար (տեսանյութ)
Տնտեսություն
Բազմաթիվ քաղաքացիներ՝ թե՜ փոքր ու միջին բիզնեսի ներկայացուցիչներ, թե՜ անհատներ, մշտապես բարձրացրել են հարցեր, որ փոքր արժեք ունեցող ապրանքներ ներմուծելիս կամ արտահանելիս ստիպված են լինում կատարել վճարումներ, որոնք, որպես կանոն, մի քանի անգամ ավելի բարձր են, քան գույքի արժեքը:
Այս մասին կառավարության նիստից հետո լրագրողների հետ զրույցում ասաց Էկոնոմիկայի նախարար Արծվիկ Մինասյանը: Նախարարը նմանատիպ դեպքի օրինակ ևս բերեց. «Եթե քաղաքացիները կատալոգներ են ներմուծում, որի արժեքը 5000 դրամ է, ստիպված են լինում 6000 դրամ ոչ միայն մաքսավճար կատարել, այլ նաև կատարում են մի շարք այլ վճարումներ՝ ներառյալ մաքսային ներկայացուցչի կամ, այսպես կոչված, բրոքերի ծառայությունից օգտվելու համար, որոնք, որպես կանոն, տատանվում են 10-15 հազարի սահմաններում, իսկ եթե ապրանքները մի քանիսն՝ են գումարները աճում են»,- ասաց նախարարը:
Նախարարի խոսքով՝ թե՜ կառավարությունը, թե՜ ԱԺ պատգամավոր Էդմոն Մարուքյանը միաժամանակ հանդես են եկել առաջարկով՝ փոփոխություն կատարել «Մաքսային կարգավորման մասին» Հայաստանի Հանրապետության օրենքում, ինչը էականորեն կթեթևացնի տնտեսվարողների և քաղաքացիների գործը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
