Արծվիկ Մինասյանն անդրադարձավ ՀՀ-ի տնտեսական աճի մասին Պուտինի հայտարարությանը
Տնտեսություն
Հայաստանի անկախության պատմության ընթացքում այս տարվա առաջին կիսամյակում արտահանման առումով արձանագրվել է պատմական ամենաբարձր ցուցանիշը՝ 168 մլն դոլարի:
«Այսպիսի ցուցանիշ, զուտ ֆիզիկական ցուցանիշ, պատմականորեն մենք չենք ունեցել վերջին 10 տարիների կտրվածքով: Ամենամեծը եղել է 143 մլն դոլար, եթե չեմ սխալվում, 2013 թվականին: Փաստորեն, մենք այս տարվա առաջին կիսամյակում այդ ցուցանիշից շուրջ 25 մլն դոլարով ավելի արտահանման ծավալներ ենք ունեցել: Սա լավատեսություն է ներշնչում, որովհետև եթե ԵԱՏՄ անդամակցության առաջին ժամանակահատվածում անորոշությունը շատ էր, ապա հիմա աստիճանաբար հաղթահարվում է»,- կառավարության նիստից հետո լրագրողների հետ զրույցում հայտարարեց ՀՀ էկոնոմիկայի նախարար Արծվիկ Մինասյանը՝ մեկնաբանելով ՌԴ նախագահ Վլադիմիր Պուտինի՝ ՀՀ-ում ՀՆԱ-ի 10 տոկոս աճի մասին հայտարարությունները:
Մինասյանի խոսքով՝ առաջիկայում ակնկալվում է, որ արտահանման աճի տեմպերը դեպի ԵԱՏՄ երկրներ էլ ավելի կաճեն:
«Կա՞ զարգացման տեղ' միանշանակ: Մենք դեռ բազմաթիվ հնարավորություններ ունենք այստեղ, որ պետք է կիրառենք՝ չմոռանալով ԵԱՏՄ-ից դուրս երրորդ երկրների հետ մեր հարաբերությունները, հատկապես ԱՄՆ-ի»,- ասաց նախարարը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
