«Պրիմիտիվ գողություն»-ը գողություն չէ
Տնտեսություն
«Տնտեսության առկա վիճակի համար մեղավորներ պետք չէ փնտրել»,- ԱԺ-ում լրագրողների հետ զրույցում նման տեսակետ հայտնեց ՊԵԿ փոխնախագահ Վախթանգ Միրումյանը: «Տնտեսության առկա վիճակը պայմանավորված է մի շարք հանգամանքներով, հիմնականում արտաքին շուկաներում տիրող իրավիճակով: Իսկ դուք, երևի, թերակատարում ասելով՝ նկատի ունեք այն թիվը, որը հաստատվել է բյուջեով, և այն թիվը, որը հավաքագրվում է, սակայն մոռանում եք մի հանգամանք ևս, որ պետական բյուջեում գրված եկամուտների թիվը դա կանխատեսում է, որը պայմանավորված է նաև մի շարք հանգամանքներով»,- հավելեց նա:
Լրագրողի դիտարկմանը՝ արդյոք պատճառն այն չէ՞, որ տեղի է ունեցել «պրիմիտիվ գողություն», Միրումյանն ավելացրեց, որ ինքը դրա համար պատասխանատու չէ և չի զբաղվում ծախսային քաղաքականությամբ:
Պնդմանը՝ մի կողմից ասում են, որ գումարները գողացվել են, մյուս կողմից՝ ծախսվել, Միրումյանն արձագանքեց, թե գողություն ասվածն այլ հարթություն է, և խոսքը հավանաբար գնում է ավիատոմսերի մասին:
Վարչապետի մեկ այլ հայտարարությանն անդրադառնալով, թե այսուհետ բիզնեսները չեն խլվելու, պաշտոնյան ընդգծեց, թե ինքը երբևէ չի լսել, որ Հայաստանում բիզնեսները խլվեն, ինչ վերաբերում է վարչապետի հայտարարությանն, ապա հավանաբար վարչապետի մոտ կան այդպիսի տեղեկություններ:
Այս համատեքստում Միրումյանն այլ հարցերի չպատասխանեց:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
