Կարեն Կարապետյանն Իգնատի Առաքելյանին հանձնարարեց ուսումնասիրել սննդի անվտանգության ապահովման ոլորտը

Կառավարության նիստի սկզբում վարչապետ Կարեն Կարապետյանը տեղեկացրեց, որ վերջին օրերին սպառողների միության ներկայացուցիչների ու գործարարների հետ հանդիպումների ժամանակ շատ է խոսվել սննդի անվտանգության, պաշտպանության մասին:

Գյուղատնտեսության նախարար Իգնատի Առաքելյանին վարչապետ Կարապետյանը հանձնարարեց. «Հաշվի առնելով հնչեցված մտահոգությունները և դժգոհությունները՝ ուսումնասիրել այդ հարցը՝ շեշտը դնելով նաև այն հարցի վրա՝ լաբորատորիան պետք է լինի վարչության կազմո՞ւմ, թե անկախ»:

Միաժամանակ, կառավարության ղեկավարը հանձնարարեց առաջարկություններ ներկայացնել: