Բնապահպանության նախարարությունը պետբյուջե է մուտքագրել 0,6 մլն դրամ

ՀՀ բնապահպանության նախարարության աշխատակազմի բնապահպանական պետական տեսչության կողմից հոկտեմբերի 3-10-ն իրականացված շրջայցերի, ԲՊՏ վարույթին հանձնված գործերի քննության և հաշվետվությունների ընդունման գործընթացում հայտնաբերված խախտումների արդյունքում կայացվել է 0.6մլն դրամ ընդհանուր գումարի վարչական տուգանքի 10 որոշում և հաշվարկվել 0 .6մլն դրամ ընդհանուր գումարի շրջակա միջավայրին հասցված վնաս: Այս մասին տեղեկացրին ՀՀ բնապահպանության նախարարության տեղեկատվության և հասարակայնության հետ կապերի բաժնից:

Բուսական աշխարհի պահպանության ոլորտ

Կազմվել է վարչական տուգանքի 3 որոշում՝ 150.0հազար դրամ գումարով և հաշվարկվել է 556.0հազար դրամ ընդհանուր գումարի շրջակա միջավայրին պատճառված վնաս, որից ՝

Երևանի տարածքային բաժնի վարույթին հանձնված գործերի քննության արդյունքում 2 ֆիզիկական անձանց նկատմամբ ապօրինի հատված 2 ծառերի համար կայացվել է 100.0հազար դրամ ընդհանուր գումարի վարչական տուգանքի 2 որոշում և հաշվարկվել է 250.0հազար դրամ գումարի շրջակա միջավայրին հասցված վնաս:

Լոռու տարածքային բաժնի վարույթին հանձնված գործի քննության արդյունքում 1 ֆիզիկական անձի նկատմամբ ապօրինի հատված 2 ծառերի համար կայացվել է 50.0հազար դրամ գումարի վարչական տուգանքի որոշում և հաշվարկվել է 306.0հազար դրամ գումարի շրջակա միջավայրին հասցված վնաս:

Արարատի տարածքային բաժինն իրականացրել է վարչական վարույթ մարզի բնակավայրերից մեկի ընդհանուր օգտագործման տարածքում 1 ծառի հատման հիմքով: Իսկ Խոսրովի պետական արգելոցի տարածքում ծագած հրդեհի համար կազմված արձանագրությանը ընթացք չի տրվել, քանի որ հարցի շուրջ հարուցվել է քրեական գործ:

Երևանի տարածքային բաժինը Նորաշխարհյան 81ա հասցեի բնակչի ահազանգի հիմքով կատարված ուսումնասիրության արդյունքում հայտնաբերել է ընդհանուր օգտագործման տարածքում հատված 7 ծառ: Ինչի շրջանակներում ընթանում է վարչական վարույթ:

Փայտանյութի ապօրինի տեղափոխում՝

Կազմվել է վարչական տուգանքի 1 որոշում՝ 100.0հազար դրամ ընդհանուր գումարով և հաշվարկվել է 36.0hազ.դրամ ընդհանուր գումարի շրջակա միջավայրին պատճառված վնաս, որից՝

Տավուշի տարածքային բաժնի կողմից անցկացրած ստուգայցերի ընթացքում հայտնաբերված խախտման համար 1 ֆիզիկական անձի նկատմամբ կայացվել է 100.0հազար դրամ գումարի վարչական տուգանքի որոշում և հաշվարկվել է 36.0հազար դրամ գումարի շրջակա միջավայրին հասցված վնաս (1մ3 վառելափայտ):

Մթնոլորտային օդի պահպանության ոլորտ՝

Երևանի տարածքային բաժնի' Երևան քաղաքում կատարած ուսումնասիրության արդյունքում «Ղարիբյան Շին» ՍՊԸ կողմից շինարարական աշխատանքների կատարման ժամանակ բնապահպանական օրենսդրության պահանջների չպահպանման հիմքով սկսվել է վարչական վարույթ և նրա գործունեության դադարեցման գործընթաց, ինչպես նաև տրվել է բանավոր հանձնարարական գործունեությունը գործող օրենսդրությանը համապատասխանեցնելու համար:

Բնապահպանական և բնօգտագործման վճարի եռամսյակային հաշվետվությունները սահմանված ժամկետում չներկայացնելու համար՝

Կազմվել է վարչական տուգանքի 3 որոշում՝ 150.0հազար դրամ ընդհանուր գումարով, որից ՝

Երևանի տարածքային բաժնի կողմից 1 տնտեսվարողի նկատմամբ կայացվել է 50.0հազար դրամի վարչական տուգանքի որոշում:

Շիրակի տարածքային բաժնի կողմից 1 տնտեսվարողի նկատմամբ կայացվել է 50.0հազար դրամի վարչական տուգանքի որոշում:

Տավուշի տարածքային բաժնի կողմից 1 տնտեսվարողի նկատմամբ կայացվել է 50.0հազար դրամի վարչական տուգանքի որոշում:

Թափոնների հաշվառման,տեղադրման կարգի պահպանման ոլորտ՝

Թափոնների անձնագրերը սահմանված կարգով համաձայնեցման չներկայացնելու համար Արմավիրի տարածքային բաժինը մեկ տնտեսվարող սուբյեկտի նկատմամբ կիրառել է 50.0հազար դրամի վարչական տուգանքի որոշում:

Կենդանական աշխարհի պահպանության ոլորտ՝

Կազմվել է վարչական տուգանքի 2 որոշում՝ 150.0հազար դրամ ընդհանուր գումարով և հաշվարկվել է 2.0hազ.դրամ ընդհանուր գումարի շրջակա միջավայրին պատճառված վնաս, որից՝

Արագածոտնի տարածքային բաժնի կողմից վայրի արջին անազատ պայմաններում պահելու հիմքով 1 ֆիզիկական անձի նկատմամբ կայացվել է 100.0հազար դրամի վարչական տուգանքի որոշում:

Վայոց ձորի տարածքային բաժնի կողմից ձկնորսության ապօրինի որսի համար 1 ֆիզիկական անձի նկատմամբ կայացվել է 50.0հազար դրամի վարչական տուգանքի որոշում և հաշվարկվել է 2.0 հազար դրամի շրջակա միջավայրին հասցված վնաս:

Ընդհանուր առմամբ շաբաթվա ընթացքում առգրավվել է 150 հատ (76 կգ) «սիգ» և 12 հատ (2.4կգ) «կարաս» տեսակի ձուկ, որից՝

Երևանի տարածքային բաժնի կողմից հայտնաբերվել և առգրավվել է 76 հատ (41.5կգ) սիգ տեսակի թարմ ձուկ: Առգրավված ձկները հանձնվել է ՀՀ կրթության և գիտության նախարարության' Երևանի լսողության խանգարումներ ունեցող երեխաների հատուկ կրթահամալիր, «Արշավիր և Պայծառ Աբրահամյաններ» բարեգործական ճաշարանին և «Զատիկ» երեխաների աջակցության կենտրոն ՊՈԱԿ:

Անտառների ու կենսաբազմազանության ՎԲ կողմից հայտնաբերվել և առգրավվել է 11 հատ (6կգ) սիգ տեսակի թարմ ձուկ, ինչը հանձնվել է Երևանի լսողության խանգարումներ ունեցող երեխաների հատուկ կրթահամալիր:

Գեղարքունիքի տարածքային բաժնի կողմից հայտնաբերվել և առգրավվել է 18 հատ (8կգ) սիգ և 12 հատ 2.4 կգ կարաս տեսակի թարմ ձուկ, իսկ «Սևան ԱՊ» ՊՈԱԿ հետ համատեղ հայտնաբերվել է 30 հատ (8.5կգ) սիգ տեսակի ձուկ: Առգրավված ձկները հանձնվել է Վ.Գետաշենի անվան մանկապարտեզ և «Գավառի մանկատուն» ՊՈԱԿ:

Լոռու տարածքային բաժնի կողմից ստուգայցերի ընթացքում հայտնաբերվել է 15 հատ (12կգ) սիգ տեսակի ձուկ, որը հանձնվել է Վանաձորի մանկատուն:

Ընդհանուր առմամբ ՀՀ բնապահպանության նախարարության բնապահպանական պետական տեսչության կիրառած պատժամիջոցներից նշված ժամանակահատվածում ՀՀ պետական բյուջե է մուտքագրվել 0.6 մլն.դրամ գումար: