Գործարանները շատ ծանր ֆինանսական վիճակում են. գյուղնախնարար

Խաղողի մթերումներն ընթանում են և այս պահին խնդիր չկա: Կան դեպքեր, որ գյուղացիների հետ պայմանավորվում են ավելի ուշ վճարել: Այս մասին այսօր Կառավարության նիստից հետո լրագրողների հետ զրույցում ասաց Գյուղատնտեսության նախարար Իգնատի Առաքելյանը:

Նախարարի խոսքով՝ այս պահին պարտավորություններ ունի «Վեդի Ալկո» ընկերությունը, որը սակայն մաս-մաս վճարում է պարտքերը: «Նախկին 900 միլիոն դրամից պարտքն այսօր կազմում է մոտ 650 մլն դրամ»,- ասաց նա:

Իգնատի Առաքելյանը տեղեկացրեց նաև, որ հանդիպել է խաղողի գծով պարտքեր ունեցող ընկերությունների ներկայացուցիչների հետ և հորդորել, որ պարտքերը շուտ վերադարձնեն. «Հասկանում եք՝ պետությունն այսօր չունի այդ գործիքը, որ ստիպի նրանց վճարել: Դա բիզնես է: Մի կողմից փորձում ենք աջակցել, օգնել, ուղղակի մյուս կողմից էլ՝ գործարանները շատ ծանր ֆինանսական վիճակում են»:

Լրագրողներից մեկը հետաքրրքվեց, թե ինչ նկատի ուներ վարչապետը, երբ նախորդ նիստին հայտարարում էր, որ կարելի է պետական կառավարման լուծում կիրառել, Առաքելյանը պատասխանեց, որ եթե ընկերությունները գնան դեպի սնանկացման և պարտքերը չմարեն, պետությունը ստիպված կլինի կիրառել պետական կառավարման գործիքը: