Հայաստանը պետք է փոխի իրեն և վերադարձնի իր լիդերությունը, որպես խելացի շրջան. բարոնուհի Քերոլայն Քոքս

Երևանում հոկտեմբերի 15-ին ավարտվել է Եվրասիական գործընկերության միջազգային առաջին համաժողովը (ԵԳՄՀ): «Armenia Marriott» հյուրանոցում անցկացվեց վերջին՝ «Տեխնոլոգիական համագործակցության հեռանկարները «Ռոստեխ» ընկերության աջակցությամբ» թեմայով հանդիպումը, որի խոսնակներն էին «Mobilium Global» ընկերության տնօրեն, նորարա ր ու հայտնի գործարար Ռալֆ Սայմոնը, Մեծ Բրիտանիայի Լորդերի պալատի անդամ, «HART» բարեգործական կազմակերպության հիմնադիր Բարոնուհի Քերոլայն Քոքսը, «Ռոստեխ» ընկերության գլխավոր տնօրենի արտաքին տնտեսական հարցերով տեղակալ Դմիտրի Շուգաևը, եվրասիական տնտեսական հանձնաժողովի մաքսասակագնային կարգավորման վարչության տնօրեն Գագիկ Քոչարյանը, «Քիմկոմպոզիտ» ընկերության գլխավոր տնօրենի խորհրդական Սերգեյ Ռյաբիխը և Քաղաքակրթությունների երկխոսության զարգացման հարցերով ՅՈՒՆԵՍԿՕ-ի բարի կամքի դեսպան, «Եվրասիական գործընկերության միջազգային համաժողով» հասարակական կազմակերպության նախագահ և համաժողովի նախաձեռնող Արա Աբրահամյանը և այլք:

«Պատմականորեն առաջին Մետաքսի ճանապարհի ժամանակ Հայաստանը հենց այն երկիրն էր, որը կապում էր արևելքն արևմուտքի հետ: Ոչ մի պատճառ, խնդիր չեմ տեսնում, որպեսզի Հայաստանը կարողանա վերականգնել իր այդ պատմական դերը: Դրա համար 21-րդ դարում, Հայաստանը պետք է փոխի իրեն և վերադարձնի իր լիդերությունը, որպես խելացի շրջան։ Այդ կերպ Հայաստանը կարող է դառնալ ամբողջ եվրասիական տարածաշրջանի դարպասը: Հայաստանն ունի առաջնորդ դառնալու բոլոր հնարավորությունները», -ինչպես տեղեկացրին Եվրասիական գործընկերության միջազգային առաջին համաժողովի մամուլի ծառայությունից, ասել է բարոնուհի Քերոլայն Քոքսը:

«Ռոստեխ» պետական կորպորացիայի արտաքին տնտեսական գործունեության գծով գլխավոր տնօրենի տեղակալ Դմիտրի Շուգաևը նշել է, որ կորպորացիան 50 երկրում ներկայացուցիչներ ունի, այդ թվում նաև Հայաստանում: 2014-ին «Ռոստեխի» ընկերություններից մեկը Հայաստանում «Գալակտիկա» օդային երթևեկության վերահսկման համակարգն է հիմնել: Իսկ 2015-ին հաղթել է Գյումրիի օդանավակայանում ավտոմատացված աշխատատեղերի համակարգի մատակարարման մրցույթում:

«Հայաաստանի հետ մեր համագործակցությունը գտնվում է բարձր մակարդակի վրա: Մեր հռչկավոր «ԿամԱԶ» ընկերությունն այստեղ բավական լուրջ վաճառքի և սպասարկման կենտրոն ունի, որը հաջողությամբ զարգանում է: Նույնիսկ մի «էկզոտիկ» համագործակցության օրինակ կա՝ մարզական, որսորդական «Կալաշնիկով» հավատարմագրված կենտրոնը, որը ներկայացնում է «Կալաշնիկով» կոնցեռնի արտադրած հանդերձանքը: Մենք բաց ենք Հայաստանի ներկայացուցիչների հետ համագործակցության համար, և կարծում եմ, որ այս հարթակը կդառնա ավելի լայն համագործակցության առիթ&ra quo;, - ասել է Շուգաևը:

«Mobilium Global» ընկերության հիմնադիր և տնօրեն Ռալֆ Սայմոնը ներկայացրել է իր ընկերության ստեղծած ֆանտաստիկ գյուտը՝ «Aeromobile» թռչող ավտոնմեքենան և ցանակություն է հայտնել համագործակցել հայաստանյան ընկերությունների հետ:

Իսկ Արա Աբրահամյանը, ամփոփելով համաժողովի աշխատանքային հատվածը շնորհակալութուն է հայտնել մասնակիցներին և հայտնել, որ համաժողովը շարունակական է լինելու:

«Համոզված եմ, որ մեզանից յուրաքանչյուրը, ով եկել է այստեղ, ունի ծրագիր և հնարավորություն՝ աշխատելու ոչ միայն Հայաստանում, այլ նաև Ռուսաստանում, Բելառուսում, Ղազախստանում, Ղրղզստանում: Մենք այս 200 միլիոնանոց շուկայում մեծ հնարավորություններ ունենք լավ բիզնես, լավ հարաբերություն ներ ունենալու համար: Մենք տնտեսությամբ ենք զբաղվում, ընկերության զարգացմամբ: Կարծում եմ, որ քաղաքական գործիչներն էլ կհետևեն մեզ», - ասել է նա:

Համաժողովին, որն անցկացվում է Երևանում՝ հոկտեմբերի 13-16-ը մասնակցում է շուրջ 600 գործարար, գիտնական և տարբեր ոլորտների փորձագետներ և պաշտոնյաներ: Մասնակիցները ժամանել են Հայաստանից, Ռուսաստանից, Չինաստանից, Իրանից, Մեծ Բրիտանիայից, ԱՄԷ-ից, Կանադայից և այլն:

ԵԳՄՀ նպատակը եվրասիական տարածաշրջանում երկկողմ և բազմակողմ տնտեսական համագործակցությանն ուղղված ինտեգրացիոն գործընթացների զարգացումն է՝ ԵԱՏՄ-ի Չինաստանի, Հնդկաստանի, Իրանի, ԱՊՀ-ի, BRICS-ի և այլ շահագրգիռ պետությունների և ինտեգրացիոն համակարգերի մասնակցությամբ:

Համաժողովն անցկացվում է ՀՀ կառավարության և Եվրասիական տնտեսական հանձնաժողովի աջակցությամբ: