Վարչապետը հանձնարարեց ներկայացնել ընդերքի ոլորտում տիրող ներկա վիճակը

ՀՀ վարչապետ Կարեն Կարապետյանը Էներգետիկ ենթակառուցվածքների և բնական պաշարների նախարար Աշոտ Մանուկյանին հանձնարարեց երեքշաբաթյա ժամկետում ներկայացնել ընդերքի ոլորտում տիրող ներկա վիճակի համալիր վերլուծություն:

«Մասնավորապես, ներկայացնել տրված թույլտվություններն ըստ հանքավայրի, տրված թույլտվությունների համապատասխան կնքված պայմանագրային պարտավորությունների կատարման իրավիճակը, պայմանագրային պարտավորությունների նկատմամբ օրենքով նախատեսված գործիքակազմը և դրան համապատասխան մոտեցումները: Հանձնարարականի իմաստը, կարծում եմ պարզ է»,- ասաց վարչապետը: