Սամվել Ալեքսանյանը 20 դրամով թանկացրել է շաքարավազը
Տնտեսություն
Տնտեսական մրցակցության պաշտպանության պետական հանձնաժողովն արձանագրել է, որ շաքարավազի շուկայում գնի բարձրացման տեմպ է նկատվել.
ԼՈւՐԵՐ.com-ի թղթակցի հետ զրույցում, Տնտեսական մրցակցության պաշտպանության պետական հանձնաժողովի խոսնակ Գայանե Սահակյանն ասաց.
«Գերիշխող շուկաներից արձանագրել ենք շաքարավազի գնի բարձրացում, որի հետ կապված՝ հանձնաժողովում ներկայումս ընթանում են ուսումնասիրություններ»:
Նշենք, որ վաճառքում կարող եք շաքարավազը հանդիպել նախկին 340-360-ի փոխարեն՝ 1 կգ-ի համար 380-400 դրամով:
ՏՄՊՊՀ-ն միայն ուսումնասիրության ավարտից հետո կարող է հստակ տեղեկություն հայտնել գնի բարձրացման հիմնավորման պատճառների և հանձնաժողովի դիրքորոշման վերաբերյալ:
ՏՄՊՊՀ խոսնակ Գայանե Սահակյանի խոսքով՝ շաբաթական երեքանգամյա կտրվածքով՝ մոնիտորինգ է իրականացվում, քանի որ խոշոր տնտեսվարողների վարքային փոփոխությունները կարող են անդրադառնալ շուկայի վրա և հարկավոր է հետևողական լինել այդ գների ձևավորման գործընթացներում:
Ինչպես հայտնի է՝ Հայաստանում շաքարավազ արտադրում է ԱԺ ՀՀԿ խմակցության անդամ Սավել Ալեքսանյանին պատկանող Ախուրյանի շաքարի գործարանը՝ ներկրված հումքի հաշվին: Պատրաստի շաքարավազի ներկրման հիմնական բաժինը եւս Սամվել Ալեքսանյանի ընտանիքին պատկանող ընկերություններին է տրված:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
