Ադրբեջանական մանաթը շարունակում է անկումը

Ադրբեջանի ազգային արժույթը՝ մանաթը՝ կապված նավթի գների էժանացման հետ շարունակում է անկում ապրել:

Այս մասին հայտնում է ադրբեջանական marja.az լրատվական կայքը:

Նոյեմբերի 23-ին ադրբեջանում դոլար-մանաթ պաշտոնական փոխարժեքը կկազմի 1,7146 մանաթ:

Նոյեմբերի 22-ի դրությամբ դոլար-մանաթ փոխարժեքը եղել է 1,7091 մանաթ:

Ադրբեջանի տնտեսագիտական շրջանակների կարծիքով՝ եթե կենտրոնական բանկը չմիջամտի եւ մանաթի արժեզրկումը նախորդ ամսվան համապատասխան շարունակվի, մինչեւ տարեվերջ դոլար-մանաթ փոխարժեքը կարող է հասնել 1,87-1,88 մանաթի:

Դոլար-մանաթ պաշտոնական փոխարժեքի 1,87-1,88 մանաթ կազմելու դեպքում բանկերը մեկ դոլարի դիմաց կսահմանեն 1,90 եւ ավելի բարձր փոխարժեք: