Վարչապետը բացառում է, որ ինչ-որ մարդիկ «Աշտարակ կաթ» ընկերությունն արհեստական սնանկացնում են
Տնտեսություն
«Մենք քննարկում ենք «Աշտարակ կաթ» ընկերության սնանկացման հարցը, որն այսօր էլ մեր ուշադրության կենտրոնում է»: ՀՀԿ համագումարից առաջ, պատասխանելով լրագրողների հարցերին, այս մասին ասաց ՀՀ վարչապետ Կարեն Կարապետյանը՝ հավելելով, որ իրենք անպատճառ անդրադառնալու են այդ խնդրին:
Դիտարկմանը՝ կարծիք կա, որ ինչ-որ մարդիկ ընկերությունն արհեստական սնանկացնում են` հետագայում ձեռք բերելու համար, Կարապետյանը հայտարարեց, թե համոզված է, որ նման բան չկա. «Համոզված եմ ուղղակի, որ նման բան չկա»:
Ինչ վերաբերում է հարցին, թե ստվերից դուրս բերելու համար ի՞նչ նոր քայլեր են ձեռնարկում, վարչապետը արձագանքեց. «Բոլոր քայլեն ուղղված են հավասար մրցակցային դաշտ ստեղծելուն: Այդ բոլոր քայլերն ուղղված են դրան, շուկան բաց է»:
Հարցին՝ ո՞վ է բանան ներկրող ընկերությունը, որի անունը գաղտնի են պահում, վարչապետը նշեց, թե ինքը չի կարող հիշել բոլոր ներկրողներին: Ինչ վերաբերվում է, որ բանան ներկրողների գործունեությունը խոչընդոտում է «Քեթրին» ընկերությունը Կարապետյանն ասաց, թե ինքը չգիտի՝ ով է խոչընդոտողը, սակայն այլևս խոչընդոտներ չեն լինի:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
