Հայաստանն իրանցի գործարարներին առաջարկելու քիչ բան ունի (տեսանյութ)

Հայաստանի Հանրապետության առևտրաարդյունաբերական պալատի նախագահ Մարտին Սարգսյանն այսօր կայացած հայ-իրանական գործարար համաժողովի ժամանակ, իրանցի պաշտոնյաներին ներկայացնելով Հայաստանում գործարար միջավայրի առանձնահատկություններն ու անհրաժեշտությունները, նշեց. «Հայ-իրանական գործարար կապերն ընդլայնելու առումով հայկական կողմն առաջարկում է իրանական կողմին «Արազ» ազատ տնտեսական գոտում ներդրումներ իրականացնելու վերաբերյալ բանակցություններ վարել իրանցի գործարարների հետ»:

Ըստ Սարգսյանի՝ դա հնարավորություն կտա իրանցի գործարարներին՝ Հայաստան ներդրումներ անելով դուրս գալ նաև ԵՏՄ բազմամիլիոնանոց  շուկա:

Հայաստանի Հանրապետության առևտրաարդյունաբերական պալատի նախագահն առաջարկում է իրանցի և հայ գործարարների միջև պայմանագրեր կնքել և առաջացած վեճերը լուծել առևտրաարդյունաբերական պալատին կից արբիտրաժային դատարանում:

Վերջինս իրանցի գործընկերներին առաջարկեց ներդրումների իրականացման համար շահավետ դաշտ դիտարկել ՀՀ ՏՏ ոլորտի ձեռքբերած զարգացումները, քանի որ Հայաստանում կան այդ ոլորտի առաջատար մասնագետներ, իսկ ոլորտն էլ գնալով զարգանում է:

Առավել մանրամասն՝ տեսանյութում. 

Աղավնի Սուքիասյան

Նարեկ Ավանեսյան