Ըստ նախարարի՝ մենաշնորհ չկա, ներդրումներն էլ աճում են
Տնտեսություն
ՀՀ տնտեսական զարգացման և ներդրումների նախարար Սուրեն Կարայանը հայտնում է, որ այս պահին Կառավարություն են ներկայացրել 70 ներդրումային ծրագիր. «Ներդրումների մասով՝ այն թվերը, որոնց մասին հայտարարել ենք, դրանք իրականություն ենք դարձնելու: Մոտ ժամանակներս կլինի վիճակագրություն, որտեղ կհրապարակվի օտարերկրյա ներդրումների մասին հստակ թիվ: Ունենք մոտ 70 ներդրումային ծրագիր, իսկ հայտարարված 7000 աշխատատեղի փոխարեն՝ ակնկալում ենք 10 հազար աշխատատեղ ստեղծել»:
Սուրեն Կարայանը նշեց, որ Հայաստանում ներդրողների թվի ավելացմանը նպաստել են երկրում իրականացված փոփոխությունները:
Ըստ նախարարի՝ Հայաստանում շուկան ազատ է, մենաշնորհները վերացրել են, և իրականացված այս աշխատանքներն էլ բերել են ներդրումների աճի:
Սուրեն Կարայանը նաև հավելեց, որ Հայաստանում ներդրումներ անողների աշխարհագրությունը բավական մեծ ընդգրկում ունի:
Լրագրողները նախարարից հետաքրքրվեցին՝ 2018 թվականից հետո արդյո՞ք իրեն տեսնում է նույն պաշտոնում:
Վերջինս վստահեցրեց, որ ինքն ու իր ղեկավարած գերատեսչությունը աշխատել են բավական լավ, դրա մասին են վկայում թվերն ու վիճակագրությունը, տնտեսական ցուցանիշները: «Արդյունքները, երբ ամփոփում ենք պատկերը, տեսանելի են դառնում, իսկ անձնապես՝ իմ և վարչապետի աշխատանքի մասին գնահատականներ չեմ տա»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
